ჯონი დეპმა შეარჩია საქველმოქმედო ორგანიზაციები, რომლებსაც სასამართლო დავის შედეგად ამბერ ჰერდისგან მიღებულ $1 მილიონს გადაურიცხავს.

მსახიობმა სულ ხუთი ორგანიზაცია აირჩია, ესენია: Make-A-Film Foundation, The Painted Turtle, Red Feather, მარლონ ბრანდოს ფონდი Tetiaroa Society და Amazonia Fund Alliance. გავრცელებული ინფორმაციით, დეპი თითოეულ ორგანიზაციაში $200,000-ის ჩარიცხვას გეგმავს.

ფოტო: AP

2022 წლის ივნისში, ვირჯინიის შტატის ნაფიც მსაჯულთა სასამართლომ როგორც ამბერ ჰერდი, ისე ჯონი დეპი ცილისწამებაში დამნაშავედ ცნო. მოგვიანებით, დეკემბერში, ყოფილმა წყვილმა შეთანხმებას მიაღწია — ჰერდი დათანხმდა დეპისთვის ზიანის ასანაზღაურებლად $1 მილიონი გადაეხადა.

ჯონი დეპის ადვოკატებმა მაშინვე განაცხადეს, რომ მსახიობი ჰერდისგან მიღებული კომპენსაციის დახარჯვას ქველმოქმედებაში აპირებდა.

მორიგების შემდეგ, ამბერ ჰერდმა ინსტაგრამზე გამოქვეყნებულ პოსტში დაწერა, რომ ეს შეთანხმება მის მიერ დანაშაულის აღიარებას ან დათმობაზე წასვლას არ ნიშნავდა: "ეს გადაწყვეტილება მას შემდეგ მივიღე, რაც ამერიკული მართლმსაჯულების სისტემის მიმართ რწმენა დავკარგე, რადგან ჩემი დაუცველი ჩვენება გასართობ საშუალებად და სოციალური მედიის სალაპარაკო თემად იქცა", — დაწერა ჰერდმა.

ფოტო: NBC

ხოლო ჯონი დეპის ადვოკატებმა, კამილა ვასკესმა და ბენჯამინ ჩიუმ, განაცხადეს: "მოხარულები ვართ, რომ ოფიციალურად იხურება ეს მტკივნეული გვერდი ბატონი დეპის ცხოვრებაში. მან მთელი პროცესის განმავლობაში ნათლად აჩვენა, რომ მისი პრიორიტეტი სიმართლის მზის შუქზე გამოტანა იყო".

ასევე იხილეთ: