საქსტატის ინფორმაციით, 2021 წელს საქართველოში მთლიანმა შიდა პროდუქტმა 60 მილიარდ ლარს გადააჭარბა, ეკონომიკის ნახევარზე მეტს კი დედაქალაქი აგენერირებს.

რატომ არის მნიშვნელოვანი: თბილისი კვლავ რჩება პოლიტიკურთან ერთად ეკონომიკურ ცენტრად.

  • წარმოებული მთლიანი პროდუქციისა და მომსახურების გარდა, დედაქალაქში საშუალო ხელფასი ისევ ყველაზე მაღალია.
  • 2021 წლის მსგავსად, თბილისის წილი მშპ-ს ფორმირებაში 50%-ს წელსაც აჭარბებდა.

დეტალები: ეკონომიკაში თბილისის შემდეგ ყველაზე დიდი — 9,3%-იანი წილი აჭარას უკავია. 9,1%-ით მესამე ადგილს იმერეთი იკავებს, სხვა რეგიონების წილები კი ასე ნაწილდება:

  • ქვემო ქართლი — 8,4%;
  • სამეგრელო-ზემო სვანეთი — 5,7%;
  • კახეთი — 5,3%;
  • შიდა ქართლი — 4%;
  • სამცხე-ჯავახეთი — 3,4%.

საქსტატის ცნობით, დანარჩენი რეგიონების ჯამური წილი 4%-ზე ნაკლებია. კერძოდ:

  • მცხეთა-მთიანეთი — 2,5%;
  • გურია — 1,7%;
  • რაჭა-ლეჩხუმი და ქვემო სვანეთი — 0,6%.

თბილისში ეკონომიკის მთავარ დარგად საცალო და საბითუმო ვაჭრობა გამოვლინდა.

  • აჭარაში — უძრავ ქონებასთან დაკავშირებული საქმიანობები;
  • იმერეთში — დამამუშავებელი მრეწველობა;
  • ქვემო ქართლში — ასევე დამამუშავებელი მრეწველობა.