Netflix ერთ-ერთია იმ არც თუ ისე მცირე კომპანიათაგან, რომლის აქციების ფასი 2022 წელს განახევრდა, უფრო კონკრეტულად — $600-დან $292-მდე შემცირდა. $267 მილიარდიდან $132 მილიარდამდე შემცირდა მისი მთლიანი საბაზრო ღირებულებაც.

სტრიმინგ გიგანტს რამდენიმე პრობლემა აქვს. ის ვერც დაგეგმილ აუდიტორიაზე გავიდა და რეკლამის ღირებულებაც მოსალოდნელზე დაბალი აღმოჩნდა.

Netflix 1997 წელს კალიფორნიაში დაარსდა. მის თავდაპირველ საქმიანობას DVD დისკების გაქირავება წარმოადგენდა. ინტერნეტის პოპულარიზაციასთან ერთად, კომპანიის საქმიანობაც მნიშვნელოვნად გაფართოვდა. მსოფლიო მასშტაბით Netflix-ის ვიდეოებს, ფილმებსა და სერიალებს, 2022 წლის ოქტომბრის მდგომარეობით, 223 მილიონი გამომწერი ჰყავდა. ყოველთვიური პაკეტის ღირებულება 9,4-დან 14 ევრომდე მერყეობს.

Netflix-ზე წვდომა შესაძლებელია როგორც კომპიუტერითა და სმარტფონით, ასევე სმარტ ტელევიზორით. გამოსახულება 4K გარჩევადობით გადაიცემა.

15 წლის წინ, 2007 წლის დეკემბერში Netflix-ის 1 აქცია $3,80-ად ივაჭრებოდა, 2012 წლის დეკემბერში $13-ად, 2017 წლის დეკემბერში $192-ად, პიკს — $690-ს 2021 წლის ოქტომბერში მიაღწია. 2020 წლის მარტიდან აგვისტომდე, პანდემიისა და კარანტინის პერიოდში კომპანიის აქციის ფასი 40%-ით $375-დან $530-მდე გაიზარდა.

2021 წელს Netflix-ის შემოსავალმა $30 მილიარდს მიაღწია, საიდანაც წმინდა მოგება $5 მილიარდს აჭარბებდა. იმ დროისთვის კომპანიაში 12 ათასი ადამიანი იყო დასაქმებული.

აქციის ფასი და შესაბამისად — კაპიტალიზაცია 2022 წელს მხოლოდ Netflix-სთვის არ დაცემულა. ტრანსნაციონალურ კომპანიათა უმრავლესობა ასევე მინუსშია. უმსხვილესი ბირჟის ინდექსებიც, როგორც შეერთებულ შტატებში, ასევე ევროპასა და აზიაში მკვეთრადაა შემცირებული.

როგორც Netflix-ის, ასევე კომპანიათა უმრავლესობის აქციების ფასებს აღმავალი და დაღმავალი ტრენდი ახასიათებთ. იმის გარანტია, რომ 1 წლის შემდეგ აქციების ფასები გაორმაგდება, ან თუნდაც 50%-ით გაიზრდება, არ არსებობს, მაგრამ, როგორც წესი, ინვესტირებისთვის ფასიანი ქაღალდების შეძენა ე.წ. Bear მარკეტზე სჯობს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.