შესაბამისი განცხადება ჟურნალისტური ეთიკის ქარტიამ გაავრცელა.

რატომ არის მნიშვნელოვანი: 14 დეკემბერს, პირდაპირ ეთერში მუშაობის დროს, მთავარი არხის ჟურნალისტს, ნატაშკა ჯახუტაშვილს, ტელეკომპანია იმედის ოპერატორმა ხელი ჰკრა.

  • ჩართვის დასრულების შემდეგ კი მთავარის ჟურნალისტის შენიშვნას იმედის ოპერატორმა სიტყვიერი შეურაცხყოფითა და გინებით უპასუხა.
  • "მნიშვნელოვანია აღინიშნოს, რომ ქალ ჟურნალისტს შეურაცხყოფა კაცმა ოპერატორმა მიაყენა, შესაბამისად, ჩნდება ეჭვი, ხომ არ ჰქონდა ამ ქმედებას გენდერული საფუძველიც", — ნათქვამია ქარტიის განცხადებაში.

დეტალები: ქარტია აცხადებს, რომ ძალადობა მიუღებელია და ჟურნალისტურ საქმიანობაში ხელშეშლაზე მითითება ეთიკურად უნდა მოხდეს.

  • "იმ შემთხვევაში, თუ ჟურნალისტური საქმიანობის დროს ხდება წინაღობის შექმნა სხვა მედიის წარმომადგენლის მხრიდან, მნიშვნელოვანია, მითითება მოხდეს ეთიკური ნორმების დაცვით", — აცხადებენ ქარტიაში.
  • კადრების გავრცელების შემდეგ მომხდარი ფაქტი არხის ხელმძღვანელობამაც დაგმო.