რეზოლუციას ევროპარლამენტარიდან მხარი 430-მა დაუჭირა, 52 კი წინააღმდეგი იყო.

რატომ არის მნიშვნელოვანი: 23-24 ივნისს გამართულმა ევროპულმა საბჭომ ასოცირებული ტრიოს ქვეყნებიდან მოლდოვასა და უკრაინას კანდიდატის სტატუსი, ხოლო საქართველოს ევროპული პერსპექტივა მიანიჭა.

  • სამივე ქვეყანას გადაეცა კონკრეტული რეკომენდაციები და მათი შესრულება დაევალათ.
  • საქართველოს შემთხვევაში, კანდიდატის სტატუსის მინიჭების წინაპირობა სწორედ 12 რეკომენდაციის შესრულებაა.

დეტალები: რეზოლუციის თავდაპირველ ვერსიაში რამდენიმე შესწორება შევიდა.

  • მათ შორის, ევროპარლამენტარ მირიამ ლექსმანის შესწორება ბიძინა ივანიშვილის სანქცირებასთან დაკავშირებით. რეზოლუციით ევროპულ საბჭოს სთხოვენ, დაუწესოს სანქციები ბიძინა ივანიშვილს.
  • ასევე შევიდა კიდევ ერთი ცვლილება, რომლითაც გამოთქმულია შეშფოთება სააკაშვილის მდგომარეობასთან დაკავშირებით და მიმართავს საქართველოს პრეზიდენტს, სალომე ზურაბიშვილს გამოიყენოს თავისი "კონსტიტუციით მინიჭებული უფლებამოსილება" ამ საკითხის გადასაწყვეტად.
  • ზურაბიშვილს ასევე მოუწოდებენ შეიწყალოს მთავარი არხის გენერალური დირექტორი ნიკა გვარამია.

რეზოლუციაში ნათქვამია, რომ მხოლოდ ევროკომისიის 12 პრიორიტეტის შესრულების შემდეგ მიიღებს ქვეყანა ევროკავშირის კანდიდატის სტატუსს.

  • არის მოწოდება, რომ ხელისუფლების წევრებმა, შეწყვიტონ სიტყვიერი თავდასხმები პარტნიორებზე.
  • რეზოლუცია საქართველოს ხელისუფლებას მოუწოდებს, შეწყვიტოს პოლიტიკურად მოტივირებული სისხლის სამართლის საქმეები.

არქივიდან: გუშინ, 13 დეკემბერს ევროპარლამენტში საქართველოს ასოცირების ხელშეკრულების ანგარიში განიხილეს და მორიგი კრიტიკული განცხადებები გააკეთეს.

  • ევროპარლამენტარმა, სვენ მიქსერმა აღნიშნა, რომ გარკვეულ სფეროებში შთამბეჭდავი რეფორმები გატარდა, თუმცა, როცა საქმე ეხება დემოკრატიული სტრუქტურის უნარების დემონსტრირებას და ერთგულებას ევროპული ფასეულობებისადმი, ვიწროპარტიული ინტერესები და ძლიერი აქტორების ანტაგონიზმი, საერთო მიზანზე მაღლა დგას.