ფრანგულმა მოდის სახლმა, Dior-მა, დღეს ოფიციალურად დაადასტურა, რომ მისი ახალი შემოქმედებითი ხელმძღვანელი ირლანდიელი დიზაინერი, ჯონათან ანდერსონი გახდა.

ანდერსონი უხელმძღვანელებს როგორც ქალის, ასევე მამაკაცის და მაღალი მოდის (ოტ კუტიურის) ხაზებს, რაც Dior-ის ისტორიაში უპრეცედენტო შემთხვევაა, რადგან მსგავსი ერთიანი ხელმძღვანელობა მხოლოდ ბრენდის დამფუძნებელს, კრისტიან დიორს ჰქონდა. ანდერსონი პირველი კოლექციას მამაკაცებისთვის 2025 წლის 27 ივნისს, პარიზის მოდის კვირეულზე წარადგენს, ხოლო ქალთა კოლექციას — ოქტომბერში.

ჯონათან ანდერსონი, რომელიც 1984 წელს ჩრდილოეთ ირლანდიაში დაიბადა, ცნობილია თავისი ავანგარდული და გენდერული საზღვრების დამრღვევი დიზაინით. მან კარიერა 2008 წელს დაიწყო საკუთარი ბრენდით JW Anderson, ხოლო 2013 წელს დაინიშნა ესპანური ბრენდის, Loewe-ს შემოქმედებით ხელმძღვანელად. ანდერსონმა Loewe გარდაქმნა ერთ-ერთ ყველაზე მოთხოვნად და ინოვაციურ ბრენდად, სადაც მან წარმატებით დააკავშირა ხელოვნება, ხელნაკეთი ტრადიციები და თანამედროვე დიზაინი. მისი ნამუშევრებმა არაერთხელ დაიმსახურეს მაღალი პრესტიჟის მქონე ჯილდოები, მათ შორის 2023 და 2024 წლებში ანდერსონი დასახელდა წლის დიზაინერად The Fashion Awards-ზე.

წარმოგიდგენთ რამდენიმე დიზაინს ჯონათან ანდერსონის კარიერიდან:

ფოტო: Loewe