ამის შესახებ საქართველოს მთავრობა განცხადებას ავრცელებს.

რატომ არის მნიშვნელოვანი: საქართველოში მედიკამენტზე მაღალი ფასებია, რაც არაერთხელ გახდა, როგორც საზოგადოების, ასევე, პოლიტიკური პარტიების მხრიდან მთავრობის კრიტიკის მიზეზი.

  • 2022 წლის 10 იანვარს ირაკლი ღარიბაშვილმა განაცხადა, რომ გადადგამდნენ ნაბიჯებს, რაც მედიკამენტების ფასებს შეამცირებდა, 17 იანვარს კი თურქეთის ბაზარი გაიხსნა.
  • პრემიერმინისტრი ამბობდა, რომ მთავრობის ამოცანაა მედიკამენტების ფასების მონიტორინგი, ხარისხის კონტროლი და საჭირო გახდება რამდენიმე საკანონმდებლო ცვლილების განხორციელება.

დეტალები: მთავრობის განცხადებით, სახელმწიფო ღირებულების იმ მაქსიმალურ ზღვარს დაადგენს, რომელზე ძვირადაც დაუშვებელი იქნება მედიკამენტის რეალიზაცია.

  • მათივე თქმით, წინასწარი გათვლებით, რეფერენტული ფასების დაწესება, საშუალოდ, 40%-ით გააიაფებს წამლების ღირებულებას.
  • პირველ ეტაპზე, რეფერენტული ფასები, ქრონიკულ და ონკოლოგიურ დაავადებების სამკურნალო პრეპარატებზე დაწესდება, რომელიც დაახლოებით 1 100 დასახელებისაა.
  • ეტაპობრივად, მეორე კვარტლიდან, ფასების რეგულირების მექანიზმი სხვა ჯგუფის მედიკამენტებზეც გავრცელდება.