მე-19 საუკუნის ბოლოს ევროპელი მხატვრების ჯგუფმა გადაწყვიტა, მომავალი გამოეცნო და შეექმნა საფოსტო ბარათების სერია იმის შესახებ, თუ როგორი იქნებოდა ცხოვრება საუკუნის შემდეგ. ქვემოთ შეგიძლიათ, მათ 7 ნამუშევარს გაეცნოთ:

სკოლის ჰედსეტები

როგორც ჩანს, მე-19 საუკუნის ბოლოს წარმოედგინათ, რომ თანამედროვე სკოლებში წიგნები საჭირო აღარ იქნებოდა და მოსწავლეები განათლებას ჰედსეტების საშუალებით მიიღებდნენ.

ფრთიანი მეხანძრეები

ჯერჯერობით, მე-19 საუკუნის ბოლოს არსებული წარმოდგენებისგან განსხვავებით, მეხანძრეებს ფრენა არ შეუძლიათ, თუმცა უკვე არსებობს საფრენი კოსტუმი, რომელიც მალე დაიხვეწება და შეიძლება მფრინავი მეხანძრეები მართლაც ვიხილოთ.

ელექტრონული მოწყობილობები ფერმერებისთვის

ნახატის ავტორებმა ასახეს ფერმერი, რომელიც მოსავალს ელექტრონულ მოწყობილობაზე თითის ერთი დაჭერით იღებს.

მტვერსასრუტი

მხატვრებმა თანამედროვე მტვერსასრუტის ფორმა ზუსტად ვერ ამოიცნეს, მაგრამ ფუნქცია ნამდვილად ზუსტად ასახეს.

პერსონალური საჰაერო ბუშტები

საჰაერო ბუშტების დაქირავება ნამდვილად შეგვიძლია, მაგრამ ყოველდღიურად ასე, მგონი, არავინ მგზავრობს.

ავტომატური მოძრავი ტროტუარები

როგორც ჩანს, ადამიანები მე-19 საუკუნის ბოლოსაც ზარმაცები იყვნენ და სიარულისგან თავის დასაძვრენად კრეატიულ ხერხებზე ფიქრობდნენ.

ვიდეო ტელეფონი

აი, ეს გამოგონება ნამდვილად ჩვენი ცხოვრების შეუცვლელი ნაწილი გახდა, თუმცა ვიდეოზარების გარდა, კიდევ ბევრ სხვა ფუნქციას ითავსებს.

როგორც ხედავთ, ამ "წინასწარმეტყველებებიდან" ზოგი ახდა, ზოგი ახდენის პროცესშია, ხოლო ზოგი — თანამედროვე მსოფლიოში, ჯერჯერობით, არ არსებობს. საინტერესოა, რას იფიქრებენ ჩვენზე და მომავლის ჩვენეულ აღქმაზე საუკუნის შემდეგ მცხოვრები ადამიანები?