ამის შესახებ სი ძინპინმა კომუნისტური პარტიის შეხვედრაზე ისაუბრა.

რატომ არის მნიშვნელოვანი: ტაივანი თვითმმართველი დემოკრატიაა, რომელსაც ჩინეთი საკუთარ ტერიტორიად მიიჩნევს.

  • სიტუაცია განსაკუთრებით დაიძაბა მას შემდეგ, რაც ტაივანში ნენსი პელოსის ვიზიტის პარალელურად, ჩინეთმა სამხედრო წვრთნები დაიწყო.

რა ხდებოდა მანამდე: ჩინეთმა გააფრთხილა ბაიდენის ადმინისტრაცია, რომ თუ დაგეგმილი ვიზიტი შესრულდებოდა, სახალხო განმათავისუფლებელი არმია ზომებს მიიღებდა.

  • აშშ-ის პრეზიდენტმა ჯერ კიდევ ივლისში განაცხადა, რომ პენტაგონი არ უჭერს მხარს პელოსის იდეას და თავდაცვის უწყება ტაივანში აშშ-ის ოფიციალური პირების ჩასვლის წინააღმდეგია.
  • სახელმწიფო მდივანმა კი აღნიშნა, რომ შედგება თუ არა ვიზიტი, სპიკერის გადასაწყვეტია.
  • ნენსი პელოსი არის პირველი სპიკერი, რომელიც ბოლო 25 წლის განმავლობაში ტაივანში ჩავიდა.

რა მოხდა ახლა: ძინპინმა განაცხადა, რომ იბრძოლებენ მშვიდობიანი მოგვარებისთვის, მაგრამ ტაივანის საკითხი ჩინელი ხალხის გადასაწყვეტია და არასოდეს იტყვიან უარს ძალის გამოყენების უფლებაზე.

  • მან დაგმო "გარე ჩარევა" და თქვა, რომ ტაივანის პრობლემა მხოლოდ ჩინეთის მოსაგვარებელია.
  • პასუხად ტაივანში აღნიშნეს, რომ უარს არ იტყვიან სუვერენიტეტზე, თავისუფლებასა და დემოკრატიაზე.