პიტსტოპ მოტოს განცხადებით, მუდმივად მუშაობენ იმაზე, რომ ქართველი მომხმარებელი, რომელთათვის ხარისხი პრიორიტეტულია, ტოპ ბრენდების სკუტერები და მოტოციკლი შესთავაზონ.

პიტსტოპი იტალიური კომპანიის Piaggio ჯგუფის ოფიციალური წარმომადგენელი გახდა, რომელიც ერთ-ერთია უმსხვილეს მოტომწარმოებელ კომპანიებს შორის და საცალო გაყიდვებით მსოფლიოში მეოთხე ადგილს იკავებს.

Piaggio ჯგუფი 7 საუკეთესო ბრენდის მოტო/სკუტერებს აერთიანებს, პიტსტოპი კი, ქართულ ბაზარს ოთხ მათგანი შესთავაზებს. Aprilia, Piaggio, Vespa, Moto Guzzi და მათი 30-მდე დასახელების მოდელი 2022 წლის ბოლომდე პიტსტოპ მოტოს მაღაზიაში სრულად იქნება წარმოდგენილი.

Vespa

პიტსტოპ მოტოს განცხადებით, მსოფლიოში ვესპა ორბორბლიანი ტრანსპორტის მთავარ სიმბოლოდ მიიჩნევა — ის უნიკალური და გამორჩეული ცხოვრების სტილის გამოხატულებაა.

ქართულ ბაზარზე ხარისხიან პროდუქტებზე მოთხოვნა დღითიდღე იზრდება, რომელსაც მათი თქმით, პიტსტოპ მოტო ხარისხითა და მრავალწლიანი გამოცდილებით სრულად პასუხობს. თუ კი, აქამდე საქართველოში მხოლოდ ინდური Vespa-ს შეძენა იყო შესაძლებელი, მალე პიტსტოპ მოტო მომხმარებელს იტალიური Vespa-ს 11 მოდელს შესთავაზებს, მათ შორის, Sprint 125, GTS 300 Super, New GTS 300 Super Tech, Primavera 150 და სხვ.

Vespa-ს უზარმაზარი კაპიტალი და ღრმად გააზრებული ღირებულებების ნაკრები გააჩნია. ის, ერთდროულად ვინტაჟური და თანამედროვე სტილით, მთელ მსოფლიოში, წარმოუდგენლად დიდი პოპულარობით სარგებლობს.

Aprilia

სუპერ სპორტული კლასის მოტოციკლეტების მოყვარულთათვის, მალე, პიტსტოპის შოუ რუმში Aprilia-ს RSV4 მოდელი იქნება წარმოდგენილი. პიტსტოპ მოტოში ამბობენ, რომ აღნიშნული მოდელი გაუმჯობესებული ხარისხის ელექტრო სისტემებით, რომელიც იდეალურია მოტო რბოლებისთვის, ღირსეულ კონკურენციას უწევს ისეთ ტოპ ბრენდებს როგორიცაა BMW და Ducati.

გარდა ამისა, პირველად საქართველოში, პიტსტოპში Aprilia-ს მოტოციკლეტის იმ სამი მოდელის შეძენა იქნება შესაძლებელი, რომელიც ადაპტირებულია 17-დან 21 წლამდე ასაკის მძღოლებისთვის, როგორიცაა RS 660. აღნიშნული მოტოციკლეტის მაქსიმალური სიმძლავრე არ აღემატება 35 კვტ-ს, ხოლო სიმძლავრის/წონის კოეფიციენტი 0,2კვტ/კგ-ს და აკმაყოფილებს A2 ქვეკატეგორიის მართვის მოწმობის მოთხოვნებს.

Aprilia-ს 10 მოდელი, რომელიც საზოგადოებას მაღაზიის შოუ რუმში დახვდება, გამოირჩევა უახლესი გაუმჯობესებული სამუხრუჭე სისტემითა და სხვადასხვა მახასიათებლით, რომელიც ამინდის მიუხედავად, მომხმარებლის კომფორტულ მგზავრობას უზრუნველყოფს.

პიტსტოპ მოტოს განცხადებით, ბოლო წლებში, Aprilia-მ მთლიანად განაახლა პროდუქცია და Piaggio ჯგუფის ნამდვილ სპორტულ ფლაგმანურ ბრენდად იქცა. მათივე თქმით, Aprilia საგზაო რბოლის მსოფლიო ჩემპიონატში 294 გრან-პრის მფლობელია.

Moto Guzzi

პიტსტოპ მოტოში აღნიშნავენ, რომ კომპანია ცნობილია თავისი ისტორიული როლით იტალიური მოტოციკლეტების წარმოებაში, ასევე, უდიდესი მნიშვნელობით მოტოციკლეტის მსოფლიო რბოლაში და ინოვაციური ტექნოლოგიური მიღწევებით.

პიტსტოპ მოტოში Moto Guzzi-ის 5 მოდელის შეძენაა შესაძლებელი, მათ შორის, V7 Stone და V100 Mandello (Premium Version).

Piaggio

პიტსტოპ მოტოში აღნიშნავენ, რომ პიაჯიო ყოველდღიურ ცხოვრებაში თავისუფლების, ელეგანტურობისა და კრეატიულობის სიმბოლოა — მისი ფართო ასორტიმენტი მომხმარებელს დიდ ქალაქებში გადასაადგილებლად თანამედროვე და გონივრულ გადაწყვეტას სთავაზობს.

Piaggio-ს ინოვაციური სისტემა გარემოს დაცვისა და უსაფრთხოების მაღალი სტანდარტების გათვალისწინებით იქმნება. ის მსუბუქი ტრანსპორტით გადაადგილების სექტორში ლიდერია ევროპასა და აშშ-ში. მისი 5 საუკეთესო მოდელი, მათ შორის, LIBERTY 125 SPECIAL და BEVERLY 400 პიტსტოპ მოტოს მაღაზიაში იქნება წარმოდგენილი.

სკუტერების, მოპედებისა და მოტოციკლეტების გარდა, პიტსტოპ მოტოში, ასევე, შესაძლებელი იქნება სხვადასხვა სახის აქსესუარის, მათ შორის, მოტო ჩაფხუტების, სპეციალური ხელთათმანებისა და ტანსაცმლის შეძენა, რომელიც უსაფრთხოდ გადაადგილებისთვის აუცილებელია. პიტსტოპ მოტოს განცხადებით, მათ სწორად შერჩევაში მომხმარებლებს მაღალკვალიფიციური კონსულტანტები დაეხმარებიან. მათი თქმით, მაღაზიის მოქნილი სერვისები საშუალებას იძლევა, მომხმარებლებმა მოტოციკლეტები განვადებით შეიძინონ და ისარგებლონ როგორც საქართველოს ბანკის, ასევე, TBC ბანკისა და Space-ის ხელსაყრელი პირობებით.

მოტომოყვარულებს პიტსტოპის შოუ რუმში, როგორც სპორტული მოტოციკლეტი, ასევე, ქალაქში გადასაადგილებლად განკუთვნილი ორბორბლიანი ტრანსპორტის განახლებული კოლექცია დახვდებათ; შეთავაზებული იქნება ინოვაციური ტექნოლოგიითა და მახასიათებლებით წარმოებული ტექნიკა, რომელიც მათ ყოველდღიურობას უფრო კომფორტულსა და სასიამოვნოს გახდის.

პიტსტოპ მოტოს განცხადებით, ორბორბლიანი ტრანსპორტი, სტრესული და დამთრგუნველი საცობების პირობებში, ყველაზე გონივრული ალტერნატივაა. ისინი აღნიშნავენ, რომ მოტოს მართვის კულტურა საქართველოში დღითიდღე წარმატებით მკვიდრდება და ორბორბლიან ტრანსპორტზე მოთხოვნაც უფრო და უფრო იზრდება. უსაფრთხოების დაცვის აუცილებლობაზე ცნობიერების ამაღლების კუთხით კი, პიტსტოპ მოტო, საქართველოს მოტო ფედერაციასთან ერთად, მუდმივად სხვადსხვა აქტიურ კამპანიებშია ჩართული.

პიტსტოპის მოტოციკლეტების მაღაზია თბილისში, აგლაძის 11ა ნომერში, ელიავას ბაზრობის ტერიტორიაზე მდებარეობს.

პროდუქციის შეძენა შესაძლებელია როგორც ონლაინ, ისე ფიზიკურ მაღაზიაში.