ევროკავშირის სანქციების მეშვიდე პაკეტში რუსული გაზის იმპორტის აკრძალვა არ იგეგმება

ფოტო: Francois Walschaerts, Pool Photo via AP
ჩეხეთის პრემიერმინისტრის, პეტრ ფიალას განმარტებით, ევროპის ბევრ ქვეყანას ამ ეტაპზე ბუნებრივი აირის სხვა ალტერნატივა არ აქვს.
რატომ არის მნიშვნელოვანი: ევროკავშირის ოფიციალური პირები ამბობენ, რომ ბლოკის დამოკიდებულება რუსულ გაზზე მოსკოვს საშუალებას აძლევს ის შანტაჟისთვის გამოიყენოს.
- უკრაინაც მუდმივად იმეორებს, რომ რუსეთი გაზს, ბუნებრივ აირს ევროპის ქვეყნების შანტაჟისთვის იყენებს და ქვეყნებს მასზე დამოკიდებულების მაქსიმალურად შემცირებისკენ მოუწოდებს.
- ჩეხეთი, რომელმაც პირველ ივლისს ევროკავშირის როტაციული 6-თვიანი თავმჯდომარეობა მიიღო, ერთ-ერთია იმ ქვეყნებიდან, რომელიც რუსულ გაზზე თითქმის სრულადაა დამოკიდებული.
ფიალას თქმით, ჩეხები რუსულ გაზზე დამოკიდებულების შესამცირებლად ყველაფერს აკეთებენ, თუმცა აღნიშნავს, რომ ეს ამ ზამთარში არ მოხდება.
- საუბრობს, რომ ევროპა მზად უნდა იყოს იმ სცენარისთვისაც, რომ Nord Stream 1-დან გაზის ნაკადები არ განახლდება. 11 ივლისიდან რუსეთმა Nord Stream 1-ით გაზის მიწოდება დროებით შეწყვიტა, მისი აღდგენა 21 ივლისაა დაგეგმილი.
- ჩეხეთის პრემიერმინისტრი ამბობს, რომ უნდა მოიძიონ ალტერნატიული წყაროები, როგორიცაა LNG.
მეშვიდე პაკეტი: ფიალას ინფორმაციით, ევროკომისია პაკეტის წარსადგენად უახლოეს დღეებში მზად იქნება. შემდეგ კი, წევრი ქვეყნების ხმის მიცემის პროცესი დაიწყება.
- ჩეხეთის პრემიერმინისტრმა Reuter-თან ისაუბრა, რომ სანქციები სავარაუდოდ ოქროს იმპორტსა შეეხება. ასევე დამატებით, ორმაგი გამოყენების საქონლის ექსპორტს აკრძალავს.
- "რაც ნამდვილად პრობლემურია, სანქციებში ენერგორესურსების ჩართვაა, რადგან, ამ შემთხვევაში ირღვევა წესი — სანქციები უფრო დიდ გავლენას მოახდენს დამწესებელ ქვეყნებზე და არა რუსეთზე".
არქივიდან: ევროკავშირი გეგმავს, რუსულ გაზზე დამოკიდებულება მაქსიმალურად შეამციროს.
- მარტში ევროკავშირმა პირობა დადო, რომ მომავალ წლამდე რუსული გაზის მოხმარებას 2/3-ით შეამცირებდა.
- ევროკავშირის მიერ რუსეთიდან იმპორტირებული გაზის საერთო ხვედრითი წილი 40%-ია. თუმცა, ევროპის ქვეყნებს შორის რუსულ გაზზე დამოკიდებულების მაჩვენებლები განსხვავებულია.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები