გუშინ საფრანგეთმა ახალი პრეზიდენტი აირჩია, არჩევნების მეორე ტურში, ემანუელ მაკრონმა ხმების 65% -ზე მეტი მიიღო და კონკურენტი, მარინ ლე პენი დაამარცხა.

არჩევნებში გამარჯვება მაკრონს უკვე მიულოცეს დონალდ ტრამპმა და ანგელა მერკელმა, ასევე საქართველოს პრეზიდენტმა გიორგი მარგველაშვილმა.

საფრანგეთის ახალ პრეზიდენტს ჰოლივუდის ვარსკვლავებიც გამოეხმაურნენ.

მაგალითად, ფრანგმა რეჟისორმა ლუკ ბესონმა, საკუთარ ტვიტერზე დაწერა:

"არ არსებობს არანაირი ბედნიერება თავისუფლების გარეშე და არ არსებობს თავისუფლება გამბედაობის გარეშე. დიდი მადლობა ასეთი სიმამაცისთვის"

ფრანგ ხალხს სხვა მსახიობებიც ულოცავენ, მათ შორის დებრა მესინგი, მია ფეროუ და კრის ევანსი.