საფრანგეთის 25-ე პრეზიდენტად არჩეულ ემანუელ მაკრონს მსოფლიო ლიდერებმა არჩევნებში გამარჯვება უკვე მიულოცეს. მათ შორის გერმანიის კანცლერმა ანგელა მერკელმა და ამერიკის პრეზიდენტმა დონალდ ტრამპმა.

ანგელა მერკელის პრესსპიკერმა მაკრონის გამარჯვების დღესვე განაცხადა, რომ მისი გამარჯვება გაერთიანებული ევროპის წარმატება იყო და მერკელმა მას სატელეფონო ზარით უკვე მიულოცა გამარჯვება:

"ვულოცავთ ემანუელ მაკრონს. მისი გამარჯვება ძლიერი, ერთიანი ევროპის და გერმანია-საფრანგეთის მეგობრობის გამარჯვებაა".

დონალდ ტრამპი, რომელიც მაკრონის კონკურენტს და საფრანგეთის ევროკავშირიდან გასვლის მსურველს მარინ ლე პენს ღიად უჭერდა მხარს, არჩევნების შედეგებს ტვიტერიდან გამოეხმაურა, მაკრონს გამარჯვება მიულოცა და მასთან მუშაობის სურვილი გამოთქვა:

"ვულოცავ ემანუელ მაკრონს მის დიდ გამარჯვებას და საფრანგეთის პრეზიდენტად არჩევას. ველოდები მასთან მუშაობის დაწყებას".

მაკრონს გამარჯვება დიდი ბრიტანეთის პრემიერმინისტრის პრესსპიკერმაც მიულოცა.