ევროპარლამენტის საგარეო საქმეთა კომიტეტის უსაფრთხოების და თავდაცვის ქვეკომიტეტის თავმჯდომარის მოადგილე, ლუკას მანდლი საქართველოს პარლამენტს მოუწოდებს, შეიტანოს თავისი წვლილი ევროკავშირში გაწევრიანების პერსპექტივაში. მისი თქმით, პარტიებს შორის თანამშრომლობა ახლა მნიშვნელოვანია.

"ჩემთვის პატივია, რომ გვაქვს პრივილეგია შევხვდეთ ასეთი უმაღლესი თანამდებობის პირებს საქართველოში, ქვეყნის მეთაურს, ქვეყნის პრეზიდენტს, ქვეყნის პრემიერმინისტრს და ძალიან მნიშვნელოვანია ჩემთვის აგრეთვე ის, რომ საქართველოს პარლამენტის წევრებთან შეხვედრაც გვქონდა და ასევე, პოლიტიკური ჯგუფების წარმომადგენლებთან საქართველოს პარლამენტში, ეს ძალიან მნიშვნელოვანი ჩვენთვის, რადგან ჩვენ გვსურს მოვუწოდოთ პარლამენტარებს, მაქსიმალურად შეეცადონ რეფორმების მხრივ, რათა ხელი შეუწყონ საქართველოს ევროკავშირში გაწევრიანების პერსპექტივას.

ეს, რა თქმა უნდა, მთავრობის ამოცანაა, მაგრამ როგორც ყოველთვის ვამბობ და ვიმეორებ, ნამდვილი, რეალური პარლამენტის ფუნქცია არის, იყოს გადაწყვეტილებების და მოგვარებების შემადგენელი ნაწილი. ამიტომ, მოვუწოდებ საქართველოს პარლამენტს, რომ აგრეთვე შეიტანოს თავისი წვლილი ევროკავშირში გაწევრიანებაში და გააკეთოს ყველაფერი, თანამშრომლობა სხვადახხვა პარტიებს შორის, სხვადასხვა პოლიტიკური მიმდინარეობის ჯგუფებში, ეს არის ძალიან მნიშვნელოვანი, რათა მივაღწიოთ წარმატებას", — აღნიშნა მან პრესკონფერენციაზე. [სინქრონული თარგმანი].

საქართველოს ევროკავშირის წევრობის კითხვარი დღეს, 11 აპრილს გადასცეს. ქვეყანამ ევროკავშირის წევრობის კანდიდატის სტატუსის მიღებაზე განაცხადს ხელი 3 მარტს მოაწერა.