NATO-ს გენერალური მდივნის, იენს სტოლტენბერგის განცხადებით, რუსეთი დონბასის რეგიონში გადაჯგუფებისა და შეტევის გაძლიერებისთვის ემზადება. მისი თქმით, კრემლის მტკიცებით მიუხედავად, არ ჩანს, რომ ისინი უკან დახევას აპირებენ.

"ჩვენ მოვისმინეთ ბოლოდროინდელი განცხადებები, რომ რუსეთი შეამცირებს სამხედრო ოპერაციებს კიევსა და ჩრდილოეთ უკრაინის ირგვლივ, მაგრამ რუსეთმა არაერთხელ მოიტყუა თავისი განზრახვების შესახებ, ამიტომ ის შეიძლება განვსაჯოთ მისი ქმედებების და არა სიტყვების შესაბამისად. ჩვენი დაზვერვის თანახმად, რუსეთის ქვედანაყოფები კი არ იხევენ უკან, არამედ პოზიციებს იცვლიან. ისინი ცდილობენ გადაჯგუფებას, მომარაგებასა და შეტევის გაძლიერებას დონბასში რეგიონში.

ამავე დროს, რუსეთი ინარჩუნებს ზეწოლას კიევსა და სხვა ქალაქებზე. ამიტომ უნდა ველოდოთ დამატებით შეტევით ქმედებებს, რაც კიდევ უფრო ბევრ ტანჯვას მოიტანს. რუსეთმა ეს უაზრო ომი უნდა დაასრულოს, გაიყვანოს ჯარები და კეთილსინდისიერად ჩაერთოს მოლაპარაკებებში", — განაცხადა მან.

სტამბულში რუსეთ-უკრაინის მოლაპარაკებების დასრულების შემდეგ რუსულმა მხარემ განაცხადა, რომ სიტუაციის დეესკალაციისთვის 2 მნიშვნელოვან ნაბიჯს გადადგამს. მათი თქმით, ისინი შეამცირებენ საბრძოლო აქტივობას კიევისა და ჩერნიგოვის მიმართულებით.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში