სუმის რეგიონალურ სამხედრო ადმინისტრაციის ხელმძღვანელის განცხადებით, რუსული ავიაიერიშის შედეგად, დაიღუპა 22 ადამიანი, მათგან 3 ბავშვია. ასევე, დაშავებულია 8 პირი, მათ შორის 5 წლის გოგო.

დმიტრო ჟივიცკის თქმით, ბომბმა გაანადგურა ექვსი სახლი და დააზიანა კიდევ რამდენიმე ათეული. ბოლო დღეებია სუმი ინტენსიურად იბომბება, მსხვერპლის შესახებ ინფორმაცია აქამდეც არაერთხელ გავრცელდა.

შეგახსენებთ, რომ დღეს სუმში მწვანე დერეფნები გაიხსნა და ევაკუაცია გამოცხადდა. ადმინისტრაციის ხელმძღვანელის მოადგილის განცხადებით, ევაკუაცია დასრულდა და დაახლოებით 5 000 ადამიანი, ასევე, ათასობით კერძო ავტომობილით წასული პირი ახლა უსაფრთხოდაა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში