თითქმის 16-წლიანი პაუზის შემდეგ ტელეეკრანებზე მარკ ზაკერბერგის ისტორია გრძელდება. Sony Pictures-მა ახლახან The Social Reckoning-ის (სოციალური ანგარიშსწორება) პირველი ტრეილერი გამოუშვა. სოციალური ანგარიშსწორება დევიდ ფინჩერისა და აარონ სორკინის 2010 წლის ფილმის, სოციალური ქსელის, გაგრძელებაა.

სოციალური ქსელი ზაკერბერგის მიერ პლატფორმის შექმნის ადრეულ ეტაპზე მოგვითხრობდა, სოციალური ანგარიშსწორება კი შედარებით თანამედროვე მოვლენებზე ამახვილებს ყურადღებას — ფილმი დაფუძნებულია Wall Street Journal-ის 2021 წლის ჟურნალისტურ გამოძიებაზე, სახელწოდებით "ფეისბუქის ფაილები". როგორც ტრეილერიდან ჩანს, წინ საკმაოდ დაძაბული სიუჟეტი გველოდება.


მარკ ზაკერბერგის როლში ჯერემი სთრონგს ვიხილავთ. მსახიობმა ინტერვიუში აღნიშნა, რომ ეს ერთ-ერთი საუკეთესო სცენარია, რომელიც თანამედროვეობის ყველაზე მგრძნობიარე თემებს ეხმაურება. ფილმში ასევე მონაწილეობენ მაიკი მედისონი, ჯერემი ალენ უაითი და ბილ ბარი.

The Social Reckoning-ის პრემიერა 2026 წლის ოქტომბერშია დაგეგმილი.