19-20-21 ივნისს, თბილისი რეგიონში ერთ-ერთ ყველაზე მასშტაბურ ტექნოლოგიურ ღონისძიებას — Global Tech Weekend Tbilisi 2026-ს უკვე მეორედ უმასპინძლებს.

თიბისი, როგორც რეგიონის წამყვანი ტექნოლოგიური კომპანია, წელსაც GTWT-ის მთავარი სპონსორია. გვჯერა, ვქმნით ინოვაციას — სწორედ ამიტომ ვუჭერთ მხარს წამოწყებებს, რომლებიც ახალი იდეების, ტექნოლოგიებისა და შესაძლებლობების დაბადებაზეა ორიენტირებული.

200-ზე მეტი სპიკერი, 300-ზე მეტი ინვესტორი, 10 ათასზე მეტი სტუმარი — ეს არის შეხვედრების, ლექციების, ვორქშოფების, კონფერენციებისა და კულტურული ღონისძიებების სერია, სადაც თავს მოიყრიან მსოფლიოს წამყვანი ტექპროფესიონალები.

Global Tech Weekend Tbilisi 2026-ის მთავარი მისიაა გააერთიანოს რეგიონის საუკეთესო ტექპროფესიონალები და შექმნას მოძრაობა, რომლის ფარგლებშიც კავკასიისა და ცენტრალური აზიის წამყვან ტექნოლოგიურ კომპანიებსა და პროფესიონალებს ექნებათ შესაძლებლობა, გაიცნონ ერთმანეთი და ერთად აღმოაჩინონ ახალი შესაძლებლობები.

ინიციატივის მასშტაბურობისა და მრავალფეროვნებიდან გამომდინარე, აქტივობები თბილისის სხვადასხვა ლოკაციაზე ჩატარდება. 20 ივნისს კი მთავარი ღონისძიება Factory Tbilisi-ში გაიმართება, სადაც 5 სცენა და არაერთი საინტერესო ამბავი დაგხვდებათ.

Google, Apple, Revolut, Nike, Fuckup Nights — ეს მოკლე ჩამონათვალია იმ ბრენდებისა, რომელთა წარმომადგენლებსაც Global Tech Weekend-ის სცენებზე შეხვდებით. სპიკერებს შორის, რა თქმა უნდა, თიბისელებიც იქნებიან:

არჩილ ვარდიძე — თიბისის დიზაინის მთავარი ოფიცერი;
გიორგი კინწურაშვილი — ეკოსისტემის ინოვაციების ლიდერი;
გუგა ბურდული — ციფრული ანალიტიკის ლიდერი;
ალექსანდრე შაფათავა — ეჯაილ ქოუჩი.

Global Tech Weekend Tbilisi 2026-ზე დასწრება შეუძლია ნებისმიერ მსურველს, ვისაც ტექნოლოგიები და მასთან დაკავშირებული ციფრული სფეროები აინტერესებს და სურს ინდუსტრიის წამყვანი პროფესიონალების მოსმენა და გაცნობა.

ბილეთების შესაძენად ისარგებლეთ ბმულით.