სადაზღვევო კომპანია ალდაგი ელექტრომობილების ყველაზე მასშტაბური გამოფენის, EV EXPO 2026-ის მხარდამჭერია, რომელიც 13-14 ივნისს, ექსპო ჯორჯიას მე-11 პავილიონში გაიმართება.

წლევანდელი ღონისძიების მთავარი თემაა — მართე ცვლილებები. სტუმრებს შესაძლებლობა ექნებათ, ერთ სივრცეში ნახონ წამყვანი საერთაშორისო ბრენდების პრემიუმ კლასის ელექტრომობილები, ჭკვიანი ტექნოლოგიები და მონაწილეობა მიიღონ ტესტ-დრაივში.

"გვიხარია, რომ საქართველოში ელექტრომობილების გამოყენების კულტურა სულ უფრო მეტად მკვიდრდება. მომხმარებლების რაოდენობა, რომლებსაც ელექტრომობილების დაზღვევა სურთ, ყოველდღიურად იზრდება. ალდაგი ერთ-ერთი პირველი კომპანიაა, სადაც ყველაზე მეტი ელექტრომობილია დაზღვეული. შესაბამისად, ვცდილობთ, მძღოლებს ელექტრომობილებზე მორგებულ სადაზღვევო პირობებთან ერთად მეტი კომფორტი შევთავაზოთ და ამ მიმართულებით ხელმისაწვდომობაც გავზარდოთ“, — აცხადებენ ალდაგში.

ალდაგში ელექტრომობილების დაზღვევით მომხმარებლები ინდივიდუალური პირობებით სარგებლობენ. სადაზღვევო პრემია სხვადასხვა ფაქტორისა და მომხმარებლის საჭიროებების მიხედვით განისაზღვრება და ფარავს ელექტრომობილის მფლობელისთვის მნიშვნელოვან რისკებს, მათ შორის: ავტოსაგზაო შემთხვევას, გარეგან დაზიანებას, ელემენტების შეკეთებას ან/და შეცვლას, სტიქიურ მოვლენებს (სეტყვა, მიწისძვრა), ვანდალიზმს, ქურდობას, ძარცვას, ხანძარს და სხვა.

ალდაგში ელექტრომობილების დაზღვევისა და ანაზღაურების მიმართულებით ცალკე გუნდი მუშაობს, რომელიც ელექტრომობილების მძღოლებს მაქსიმალურად კომფორტულ სერვისს სთავაზობს.