ინვესტორი შორს უნდა იყურებოდეს, რადგან ამ საქმეს გრძელვადიანი გეგმების დასახვა უყვარს. ეს საფონდო ბირჟის ლეგენდის, უორენ ბაფეტის საინვესტიციო სტრატეგიის ერთ-ერთი მნიშვნელოვანი ნაწილია.

Apple-ის საბაზრო კაპიტალიზაცია მისი აქციების ფასის ზრდას უკავშირდება, აღსანიშნავია, რომ კომპანიის საბაზრო ღირებულება 2 წელზე ნაკლებ დროში $2 ტრილიონიდან $3 ტრილიონამდე გაიზარდა. Apple-ის ზრდაში განუზომელი წვლილი აქვს მის ერთ-ერთ ყველაზე წარმატებულ პროდუქტს, iPhone-ს. ამასთან, წარმატებული აღმოჩნდა iPhone-ის აქსესუარების ხაზი და სხვადასხვა სერვისი.

ბაფეტი მულტინაციონალური კორპორაციის, Berkshire Hathaway-ის ხელმძღვანელი და აქციონერია. სწორედ Berkshire Hathaway ფლობს Apple-ის აქციებს, რომლის საბაზრო კაპიტალიზაციამაც გასულ კვირაში 3 ტრილიონ დოლარს გადააჭარბა.

ბუნებრივია, Apple-ის მზარდი მაჩვენებლები მისი აქციონერების ჯიბეზეც აისახება — მათ შორის არის ბაფეტის Berkshire Hathaway, რომელმაც ტექნოლოგიური გიგანტის პოტენციალი ჯერ კიდევ 2016 წელს დაინახა.

Berkshire Hathaway-მ Apple-ის აქციების შესყიდვა 2016 წლიდან დაიწყო და 2018 წლისთვის უკვე კომპანიის 5%-ს ფლობდა. ბაფეტის ინვესტიციამ Apple-ში $36 მილიარდი შეადგინა. Apple-ის ამჟამინდელი ზომის მიხედვით და იმის გათვალისწინებით, რომ მან 3 ტრილიონიან საბაზრო კაპიტალიზაციას მიაღწია, Berkshire Hathaway-ის მფლობელობაში არსებული აქციების ღირებულება $160 მილიარდს უტოლდება.

ფოტო: Sumudu Mohottige / unsplash

ეჭვგარეშეა, რომ ეს ბოლო ათწლეულში Berkshire-ის მიერ განხორციელებული ერთ-ერთი ყველაზე ძლიერი ინვესტიციაა.

ჯეიმს შანაჰანი, Berkshire-ის ანალიტიკოსი.

ამ პერიოდის განმავლობაში Berkshire დივიდენდებსაც იღებდა — საშუალოდ, $775 მილიონს წლის განმავლობაში. შესაბამისად, Apple-ის აქციების ქონა ამ მხრივაც მომგებიანი აღმოჩნდა.

Apple-ის აქციები Berkshire-ის მთლიანი პორტფელის დაახლოებით 40%-ს შეადგენს. თავის მხრივ, მულტინაციონალური კომპანია Apple-ისთვის უმსხვილესი აქციონერია, თუ ინდექსებსა და სავაჭრო ფონდებს არ ჩავთვლით.

როგორც ცნობილია, Berkshire არაერთ სექტორშია წარმოდგენილი. მათ შორის აღსანიშნავია სადაზღვევო და სარკინიგზო ბიზნესები. მილიარდერი ინვესტორი Apple-ს Berkshire-ის მესამე უმსხვილეს ბიზნესს უწოდებს. როგორც ცნობილია, ბაფეტი ინვესტირების ამ შემთხვევას არა როგორც აქციების ფლობას, არამედ როგორც ბიზნესის ქონას უყურებს.

ეს, ალბათ, საუკეთესო ბიზნესია, რომელიც მსოფლიოს მასშტაბით მე ვიცი.

უორენ ბაფეტი Apple-ის შესახებ.

2018 წლიდან Berkshire-მა Apple-ის ფასიანი ქაღალდების გარკვეული ოდენობა დათმო, თუმცა კომპანიის აქციების გამოსყიდვის პოლიტიკის გათვალისწინებით, Berkshire-ის საერთო წილი Apple-ში გაიზარდა. არსებული ინფორმაციით, ამ დროისთვის Berkshire ტექნოლოგიური გიგანტის აქციების 5,4%-ს ფლობს.

Apple-ის აქციების გამოსყიდვის მიდგომამ, რომელიც კომპანიის მხრიდან საკუთარი ფასიანი ქაღალდების შეძენას გულისხმობს, Berkshire-ის მფლობელობაში არსებული წილები გაზარდა.

ფოტო: Alesia Kozik / Pexels

დივერსიფიცირებული პორტფელის უპირატესობა განსაკუთრებით გამოიკვეთა Covid 19-ის კრიზისის დროს, როდესაც Berkshire-ის სადაზღვევო, ენერგეტიკისა და სხვა ბიზნესებმა მნიშვნელოვანი დარტყმები მიიღეს.

ამ დროს კონგლომერატის დახმარებაში გადამწყვეტი როლი Apple-ში დაბანდებულმა ინვესტიციამ ითამაშა. აქციების დივერსიფიცირების პრინციპმა — დააბანდო თანხა სხვადასხვა სექტორში — Berkshire-ს წარმატება მოუტანა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები და ივაჭრე ისეთი საერთაშორისო კომპანიების აქციებით, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა.