დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საკოორდინაციო საბჭოს მიმართავენ რეკომენდაციით, ბუსტერით ვაქცინაცია ორჯერადად აცრილებისთვის აუცილებელი გახდეს. მისი თქმით, ომიკრონის შტამთან დაკავშირებით მთავარია აქტიური ბუსტერიზაცია.

"ყველა ადამიანი, ვინც ორჯერადად არის აცრილი, უნდა გაკეთდეს მესამე აცრაც, ანუ ბუსტერი, ეს აუცილებელი იქნება. ჩვენ შევალთ საკოორდინაციო საბჭოზე რეკომენდაციით, რომ ბუსტერი იყოს ყველასთვის, ვინც ორჯერ აცრილია, აუცილებელი", — აცხადებს ის.

ამასთანავე, გამყრელიძის თქმით, შესაძლოა იმუნიზაციის საბჭომ Pfizer-ისა და AstraZeneca-ს ვაქცინებით ბუსტერის პერიოდი შეამციროს.

კორონავირუსის ბუს­ტერ ვაქ­ცი­ნა ვაქ­ცი­ნის და­მა­ტე­ბი­თი დოზაა, რო­მე­ლიც ვაქცინაციის სრული კურსის დას­რუ­ლე­ბი­დან გარ­კვე­უ­ლი დრო­ის გასვლის შემდეგ კეთდება, რათა იმუ­ნუ­რი დაც­ვა გააძლიეროს. რო­გორც წესი, ბუს­ტე­რი მას შემ­დეგ კეთდება, რაც იმუ­ნი­ტე­ტი პირ­ვე­ლა­დი ვაქ­ცი­ნა­ცი­ის შემ­დგომ ბუნებრივად ქვე­ით­დე­ბა. ბუს­ტე­რის მი­ზა­ნია, რომ იმუ­ნი­ტე­ტის უფრო ხან­გრძლი­ვი შე­ნარ­ჩუ­ნე­ბა უზუნველყოს. ქვეყანაში ბუსტერ დოზით ვაქცინაციაზე ბრძანება 11 ოქტომბერს გამოიცა.

საქართველოში ამ დროისთვის 3 სხვადასხვა ვაქცინაა ხელმისაწვდომი, თუმცა ასტრაზენეკათი აცრა მხოლოდ იმ ადამიანებს შეუძლიათ, ვინც ერთი დოზა უკვე გაიკეთა.

უკვე შესაძლებელია ბუსტერითა და ჩანაცვლებით სარგებლობაც. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.