ამერიკის შეერთებული შტატების ყოფილი ელჩი საქართველოში, იან კელი ფიქრობს, რომ ვაშინგტონში საქართველოს მიმართ მხარდაჭერას რეალურად შეაფასებენ.

"ბოლო რამდენიმე წლის განმავლობაში ჩვენ ვნახეთ ნაბიჯები, რომელიც კითხვის ნიშნის ქვეშ აყენებს საქართველოს მთავრობის განცხადებებს, რომ მათ სურთ ქვეყანა დასავლეთის ნაწილი გახდეს. ვფიქრობ, ვაშინგტონში მოხდება საქართველოს მიმართ მხარდაჭერის რეალური შეფასება, მიუხედავად იმისა, რომ ყოველთვის იქნება საქართველოს ტერიტორიული მთლიანობისა და აგრესიის შემთხვევაში წინააღმდეგობის გაწევის კუთხით მხარდაჭერა, გაჩნდება კითხვები მთავრობის მხარდაჭერის პირობითობაზე", — თქვა მან. [ფორმულას თარგმანი]

მისივე თქმით, საქართველოში განვითარებული მოვლენები აჩენს ეჭვებს იმაზე, თუ რა წარმოადგენს საქართველოს მთავრობის საბოლოო მიზანს.

"საქართველოში განვითარებული მოვლენები აჩენს ეჭვებს იმ შესახებ, თუ რა წარმოადგენს საქართველოს მთავრობის საბოლოო მიზანს. ჩემი აზრით, ბევრი მათი ქმედება მიმართულია იმისკენ, რომ მოხდეს ნაციონალური მოძრაობის პროვოცირება რაიმე სახის ქმედებისკენ, რომლის შეჩერებაც ძალისმიერი მეთოდებით მოხდება დასავლეთი უაღრესად შეშფოთებულია შექმნილი ვითარებითა და მთავრობის ზოგადი ტრაექტორიის გამო", — აღნიშნა მან.

8 ნოემბერს ექსპრეზიდენტი მიხეილ სააკაშვილი მისი და მისი ადვოკატების სურვილის საწინააღმდეგოდ რუსთავის პენიტენციური დაწესებულებიდან გლდანის ციხის საავადმყოფოში გადაიყვანეს. ეს ინფორმაცია პენიტენციურმა სამსახურმა ერთი საათის შემდეგ დაადასტურა — მას შემდეგ, რაც რუსთავის ციხიდან აფრენილი ვერტმფრენი გლდანის ციხის თავზე გამოჩნდა. უფლებადამცველებმა, ოჯახის წევრებმა და ომბუდსმენმა ერთი საათის განმავლობაში არ იცოდნენ, სად იყო სააკაშვილი.

ექსპრეზიდენტის ციხეში შეყვანის შემდეგ ადგილზე სპეცრაზმი, წყლის ჭავლის მანქანა და დამატებითი საპოლიციო ძალები შეიყვანეს. გარდა ამისა, ციხეში მიიტანეს კომპიუტერული ტომოგრაფიის აპარატი. მანამდე რამდენიმე დღით ადრე კი უწყება ამტკიცებდა, რომ ციხის კლინიკა საჭირო ტექნიკით აღჭურვილია.

მოთხოვნის მიუხედავად, სააკაშვილთან ღამით არ უშვებდნენ არც ადვოკატებს და არც პირად ექიმს. ადვოკატების თქმით, არასამუშაო საათების მიუხედავად, ვითარება ორდინალური არ იყო და უნდა შეეშვათ.

ნინო ლომჯარიას განცხადებით კი, სააკაშვილს ციხეში უთხრეს, რომ ის სამოქალაქო კლინიკაში უნდა გადაეყვანათ და შესაბამისად, ის აღნიშნულ შეთავაზებას დათანხმდა. მიუხედავად ამისა, სააკაშვილი მაინც ციხის საავადმყოფოში გადაიყვანეს, მოგვიანებით კი გაავრცელეს კადრები, რომლითაც სურთ დაამტკიცონ, რომ ექსპრეზიდენტს #12 დაწესებულება მისი ნების საწინააღმდეგოდ არ დაუტოვებია.

გარდა ამისა, ციხიდან გამოსვლის შემდეგ ომბუდსმენმა თქვა, რომ მე-18 პენიტენციურ დაწესებულებაში ჯერ კიდევ დერეფანში დგას კომპიუტერული ტომოგრაფი, რომელიც იქ მას შემდეგ მიიტანეს, რაც კლინიკაში მიხეილ სააკაშვილი გადაიყვანეს. მისივე თქმით, კლინიკაში არ არის მაგნიტურ რეზონანსული ტომოგრაფიისა (MRT) და კათეტერიზაციის აპარატი.

ფიზიკურ ძალადობაზე საუბრის გარდა, სააკაშვილი წერილში ამბობს, რომ #18 დაწესებულებაში გადასვლისას ციხის ერთ-ერთმა თანამშრომელმა უთხრა: "აჰა, ჩიტო, ხომ ჩაგიგდეთ ხელში".

იუსტიციის მინისტრი ამტკიცებს, რომ რუსთავის ციხიდან გლდანში გადაყვანისას არცერთი პროცედურა და ნორმა არ ყოფილა დარღვეული. მისივე მტკიცებით, სააკაშვილმა ციხეში შეყვანისას თანამშრომლებს სიტყვიერი და ფიზიკური შეურაცხყოფა მიაყენა, რაზეც გენერალურმა ინსპექციამ გამოძიება დაიწყო.