უკრაინის ომბუდსმენი გმობს სააკაშვილის უფლებების დარღვევას და საერთაშორისო თანამეგობრობას დაუყოვნებლივი რეაგირებისკენ მოუწოდებს
უკრაინის სახალხო დამცველი საქართველოს ექსპრეზიდენტ და უკრაინის რეფორმების საბჭოს ხელმძღვანელ, მიხეილ სააკაშვილთან დაკავშირებით კრიტიკულ განცხადებას ავრცელებს და აცხადებს, რომ საქართველოში მისი ფუნდამენტური უფლებები ირღვევა. ლუდმილა დენისოვას შეფასებით, საქართველოს ხელისუფლების ქმედებებმა, იძულებით გადაეყვანათ სააკაშვილი გლდანის ციხეში კიდევ უფრო გაამწვავა ვითარება, რომელიც დღეს მის სიცოცხლესა და ჯანმრთელობას ემუქრება.
დენისოვა ეყრდნობა საქართველოს სახალხო დამცველის განცხადებას, ციხეში შეყვანისას იძულების, ცემისა და პატიმრების აგრესიული შეძახილების შესახებ და აცხადებს, რომ საქარველოს მთავრობა არღვევს ადამიანის უფლებათა კონვენციის არაერთ მუხლს, მათ შორის, წამებისა და არაადამიანური მოპყრობის შესახებ. მისივე თქმით, პატიმართა მიმართ მოპყრობის სტანდარტული წესების დარღვევაა ისიც, რომ ციხის კლინიკა არ შეესაბამება საჭირო სტანდარტებს. ის მოითხოვს, სააკაშვილი დაუყოვნებლივ გადაიყვანონ მრავალპროფილურ კლინიკაში.
"საქართველოს ხელისუფლების ქმედებები და მიხეილ სააკაშვილის ასეთ პირობებში ყოფნა არღვევს კონვენციის მე-2 და მე-3 მუხლებს ადამიანის უფლებათა და ძირითად თავისუფლებათა დაცვაზე, ასევე, პირველ მუხლს წამებისა და სხვა სასტიკი, არაადამიანური ან ღირსების შემლახველი მოპყრობის შესახებ.
გლდანი #18 სასჯელაღსრულების დაწესებულების კლინიკა არ შეესაბამება ექიმთა კონსილიუმის რეკომენდაციებს და საჭირო სამედიცინო აღჭურვილობის უქონლობის გამო ვერ უზრუნველყოფს რეანიმაციული ღონისძიებების გამართულად ჩატარებასა და მკურნალობას. ამას ადასტურებს საქართველოს სახალხო დამცველიც.
ამ სამედიცინო დაწესებულებაში დარჩენა არ აკმაყოფილებს 22-ე მუხლის მოთხოვნებს პატიმართა მიმართ მოპყრობის სტანდარტული მინიმალურ წესებზე, ამიტომ მოვითხოვ მიხეილ სააკაშვილის სასწრაფოდ მოთავსებას კლინიკაში, რომელიც აღჭურვილია გადაუდებელი რეანიმაციული ღონისძიებებისთვის და აკმაყოფილებს ასეთი პაციენტებისთვის სამედიცინო დახმარების გაწევის სტანდარტებს", — აცხადებს ის.
დენისოვა ასევე წერს, რომ სააკაშვილის თანხმობის გარეშე მისი კადრების გასაჯაროება არღვევს არამხოლოდ უფლებათა კონვენციას, არამედ სამოქალაქო და პოლიტიკური უფლებების საერთაშორისო პაქტსაც.
"საქართველოს ხელისუფლების მიერ მიხეილ სააკაშვილის საკანში ყოფნის ამსახველი ვიდეომასალის გავრცელება მისი თანხმობის გარეშე წარმოადგენს უკანონო ჩარევას პირადი ცხოვრების ხელშეუხებლობის უფლებაში, რაც არღვევს ადამიანის უფლებათა ევროპული კონვენციის მე-8 მუხლს და სამოქალაქო და პოლიტიკური უფლებების საერთაშორისო პაქტის მე-17 მუხლს", — წერს ის.
უკრაინის სახალხო დამცველი აცხადებს, რომ სააკაშვილის უფლებების დარღვევაზე საუბარი საქართველოს ელჩთან სურდა, მაგრამ მან შეხვედრა გაუუქმა, რისი მიზეზიც მიხეილ სააკაშვილის შესახებ უკრაინის საგარეო საქმეთა სამინისტროს განცხადება გახდა.
"ველოდები უკრაინაში საქართველოს რესპუბლიკის საგანგებო და სრულუფლებიანი ელჩისგან, როგორც საქართველოს რესპუბლიკის ოფიციალური წარმომადგენლისგან, ახსნა-განმარტებებს საქართველოს ხელისუფლების მიერ უკრაინის მოქალაქის მიხეილ სააკაშვილის წამების, არასათანადო მოპყრობის და ფუნდამენტური უფლებებისა და თავისუფლებების დარღვევის ფაქტებთან დაკავშირებით", — წერს ის.
დენისოვა მოუწოდებს საერთაშორისო თანამეგობრობას, ჰქონდეთ დაუყოვნებლივი რეაგირება.
"კატეგორიულად ვგმობ უკრაინის მოქალაქის, მიხეილ სააკაშვილის უფლებებისა და თავისუფლებების სისტემატურ და უხეში დარღვევას ქართველი ოფიციალური პირების მიერ და მოვუწოდებ უცხო სახელმწიფოებს და საერთაშორისო უფლებადამცველ ორგანიზაციებს, დაუყოვნებლივ ჰქონდეთ რეაგირება საქართველოს ხელისუფლების მსგავს ქმედებებზე და მოითხოვონ მისი უფლებების აღდგენა", — ვკითხულობთ მის განცხადებაში.
8 ნოემბერს ექსპრეზიდენტი მიხეილ სააკაშვილი მისი და მისი ადვოკატების სურვილის საწინააღმდეგოდ რუსთავის პენიტენციური დაწესებულებიდან გლდანის ციხის საავადმყოფოში გადაიყვანეს. ეს ინფორმაცია პენიტენციურმა სამსახურმა ერთი საათის შემდეგ დაადასტურა — მას შემდეგ, რაც რუსთავის ციხიდან აფრენილი ვერტმფრენი გლდანის ციხის თავზე გამოჩნდა. უფლებადამცველებმა, ოჯახის წევრებმა და ომბუდსმენმა ერთი საათის განმავლობაში არ იცოდნენ, სად იყო სააკაშვილი.
ექსპრეზიდენტის ციხეში შეყვანის შემდეგ ადგილზე სპეცრაზმი, წყლის ჭავლის მანქანა და დამატებითი საპოლიციო ძალები შეიყვანეს. გარდა ამისა, ციხეში მიიტანეს კომპიუტერული ტომოგრაფიის აპარატი. მანამდე რამდენიმე დღით ადრე კი უწყება ამტკიცებდა, რომ ციხის კლინიკა საჭირო ტექნიკით აღჭურვილია.
მოთხოვნის მიუხედავად, სააკაშვილთან ღამით არ უშვებდნენ არც ადვოკატებს და არც პირად ექიმს. ადვოკატების თქმით, არასამუშაო საათების მიუხედავად, ვითარება ორდინალური არ იყო და უნდა შეეშვათ.
ნინო ლომჯარიას განცხადებით კი, სააკაშვილს ციხეში უთხრეს, რომ ის სამოქალაქო კლინიკაში უნდა გადაეყვანათ და შესაბამისად, ის აღნიშნულ შეთავაზებას დათანხმდა. მიუხედავად ამისა, სააკაშვილი მაინც ციხის საავადმყოფოში გადაიყვანეს, მოგვიანებით კი გაავრცელეს კადრები, რომლითაც სურთ დაამტკიცონ, რომ ექსპრეზიდენტს #12 დაწესებულება მისი ნების საწინააღმდეგოდ არ დაუტოვებია.
გარდა ამისა, ციხიდან გამოსვლის შემდეგ ომბუდსმენმა თქვა, რომ მე-18 პენიტენციურ დაწესებულებაში ჯერ კიდევ დერეფანში დგას კომპიუტერული ტომოგრაფი, რომელიც იქ მას შემდეგ მიიტანეს, რაც კლინიკაში მიხეილ სააკაშვილი გადაიყვანეს. მისივე თქმით, კლინიკაში არ არის მაგნიტურ რეზონანსული ტომოგრაფიისა (MRT) და კათეტერიზაციის აპარატი.
ფიზიკურ ძალადობაზე საუბრის გარდა, სააკაშვილი წერილში ამბობს, რომ #18 დაწესებულებაში გადასვლისას ციხის ერთ-ერთმა თანამშრომელმა უთხრა: "აჰა, ჩიტო, ხომ ჩაგიგდეთ ხელში".
იუსტიციის მინისტრი ამტკიცებს, რომ რუსთავის ციხიდან გლდანში გადაყვანისას არცერთი პროცედურა და ნორმა არ ყოფილა დარღვეული. მისივე მტკიცებით, სააკაშვილმა ციხეში შეყვანისას თანამშრომლებს სიტყვიერი და ფიზიკური შეურაცხყოფა მიაყენა, რაზეც გენერალურმა ინსპექციამ გამოძიება დაიწყო.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები