საქართველოს მეხუთე პრეზიდენტი, სალომე ზურაბიშვილი ქართველი ბიზნესმენის, გიორგი რამიშვილის, იგივე "ზარალას" დაკავებას საკუთარ სოციალურ ქსელში ეხმაურება.

"ტერორი აქართველოში: აქტივისტების, ჟურნალისტების, პოლიტიკოსების შემდეგ, დაპატიმრებები ახლა უკვე დიდ ბიზნესსაც შეეხება! დღევანდელი ყველაზე ახალი შემთხვევა არის გიორგი რამიშვილის — ერთ-ერთი მთავარი ინტერნეტქსელის მფლობელის, Euronews Georgia-ს დამფუძნებლისა და დონალდ ტრამპის ძველი ბიზნესპარტნიორის საქმე!" — დაწერა ზუტაბიშვილმა.

ცნობისთვის, "სილქ როუდ ჯგუფის", "სილქნეტის" და Euronews Georgia-ს დამფუძნებელი გიორგი რამიშვილი ("ზარალა") გუშინ დააკავეს.

შსს-ს ცნობით, გიორგი რამიშვილი სისხლის სამართლის კოდექსის 236-ე მუხლის მე-3 მე-4 ნაწილით დააკავეს, რაც ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს. გავრცელებული ინფორმაციით, ის თბილისის საერთაშორისო აეროპორტში დააკავეს.

დანაშაული 6-დან 10 წლამდე პატიმრობას ითვალისწინებს.