რუსეთმა უპილოტო საფრენი აპარატებით ხარკოვის ოლქის ქალაქ ჩუგუევზე მასშტაბური შეტევა მიიტანეს, რის შედეგადაც გაჩნდა ხანძრები და შენობებს მნიშვნელოვანი ზიანი მიადგა.

უკრაინის საგანგებო სიტუაციების სამსახურის ინფორმაციით, ამ დროისთვის ცნობილია 11 დაშავებულის შესახებ, მათ შორის ორი ბავშვია.

უპილოტო საფრენმა აპარატებმა დააზიანეს ფოსტა, საცხოვრებელი სახლები და სამგზავრო ავტომობილები.

რუსებმა დნეპროპეტროვსის ოლქზეც მიიტანეს იერიში. ოლქის სამხედრო ადმინისტრაციის ხელმძღვანელის, სერჰი ლისაკის ინფორმაციით, დნიპროვსკის რაიონში თავდასხმის შედეგად სამი ადამიანი დაშავდა — ორი ქალი და ერთი მამაკაცი. ნიკოპოლის რაიონში კი 43 წლის მამაკაცი დაიჭრა.