ხშირად სხვადასხვა ადამიანის მონათხრობი ისე ჰგავს ერთმანეთს, რომ ზედმეტი კვლევა-ძიების ნაცვლად, მათ პირდაპირ ვუჯერებთ. ამან შეიძლება ყოველთვის არ დაგვაზიანოს, თუმცა არც მაინცდამაინც სასარგებლო აღმოჩნდეს.

ეს ყველაფერი საყოველთაოდ აღიარებულ და ნაცნობ ფაქტებსაც ეხება, რომლებზეც შეიძლება დღემდე არ დაფიქრებულხართ და უეჭველი ჭეშმარიტება გგონიათ. თუმცა ქვემოთ მოცემული 10 "ფაქტი" დაგარწმუნებთ, რომ აქამდე ნამდვილად სიცრუეში გიცხოვრიათ.

1. "მრავალი ხომალდი და თვითმფრინავი ბერმუდის სამკუთხედში მისტიკურად გაუჩინარდა"

ეს ნაწილობრივ მართალია, მაგრამ თუ რაოდენობას სხვა წყლებსა და ოკეანეებს შევადარებთ, რომლებშიც სატრანსპორტო საშუალებები ხშირად მოძრაობს, აღმოჩნდება, რომ ბერმუდის სამკუთხედის მონაცემებს გაზვიადებულად აღვიქვამთ. გაუჩინარების მიზეზი კი შტორმები, გაუმართავი ტექნიკა ან ადამიანთა შეცდომებია.

2. "იესო თეთრკანიანი იყო და გრძელი თმას ჰქონდა"

არ არსებობს იმის ზუსტი მტკიცებულებები, თუ როგორ გამოიყურებოდა იესო. ბიბლიაში იესოს გარეგნობის შესახებ ცნობები ძალიან მწირია, მაგრამ უფრო მეტად სავარაუდოა, რომ მას იმაზე მუქი ფერის კანი ჰქონდა, ვიდრე ჩვენ წარმოგვიდგენია: ის პალესტინელი ებრაელი იყო და საეჭვოა, რომ ისეთივე თეთრი კანი ჰქონოდა, როგორც მას ხშირად გამოსახავენ. ვიზუალის ის ელემენტები, რომლებიც ყველაზე მეტად გავრცელებულია იესო ქრისტეს გამოსახულებებში, ევროპელი ქრისტიანების წარმოდგენითაა შექმნილი: მათ ის ისეთივე წარმოედგინათ, როგორებიც თავად იყვნენ, ისევე როგორც, დღეს შეხვდებით აფრიკაში შავკანიანი იესოს ხატებს, ჩინეთში კი — აზიელ ქრისტეს.

რაც შეეხება მის ვარცხნილობას, ადრეულ ხელოვნების ნიმუშებში მას მოკლე თმით გამოსახავდნენ, ხოლო გრძელი თმით ჩანაცვლება IV საუკუნის ბერძნული და რომაული ღმერთების გავლენით იწყება.

3. "სტაფილო მხედველობას აუმჯობესებს"

სინამდვილეში, ეს იდეა ბრიტანეთის მთავრობას ეკუთვნის, რომელიც დეზინფორმაციას, რომ სიბნელეში ხედვის უნარს სტაფილო აუმჯობესებს, მიზანმიმართულად ავრცელებდა. მთავრობა ასე ცდილობდა, სარადარო სისტემების არსებობაზე მეორე მსოფლიო ომის დროს არავის გაეგო: მათი მხედველობა ხომ სტაფილოს ჭამის გამო ისედაც უშეცდომო იყო, რაში დასჭირდებოდათ რადარები!

4. "მარჯვენა ტვინის" ან "მარცხენა ტვინის" ადამიანი ხართ

ჩვენი უნარები რეალურად ასე არ არის გამიჯნული. არ არსებობს ცალსახად მარცხენა ან მარჯვენა ტვინის ადამიანები, რადგან კოგნიტიური უნარების უმეტესობაც კი, მაგალითად მათემატიკა, ოპერირებისთვის ტვინის ორივე მხარეს იყენებს.

5. "ჩვილები ტკივილს ვერ გრძნობენ, ამიტომ ოპერაციის დროს მათ ტკივილგამაყუჩებელი წამლების არ სჭირდებათ"

ალბათ, ეს აზრი საკმაოდ უჩვეულოდ გეჩვენებათ და მართალიც ხართ. ბავშვები ნამდვილად გრძნობენ ტკივილს და ამის შესამსუბუქებლად სხვადასხვა გზა არსებობს.

6. "როცა ჭიაყელა შუაზე იყოფა, შედეგად ორი ჭიაყელა იბადება"

სინამდვილეში, მხოლოდ იმ ნახევარს, რომელსაც თავი აქვს, შეუძლია ახალი კუდი გამოიზარდოს და გადარჩეს, ხოლო მეორე ნახევარი კვდება.

7. "მზე ყვითელია და ამას ყოველ ჯერზე ჩვენი თვალით ვხედავთ"

მზე რეალურად თეთრია და ჩვენთვის ყვითლად იმიტომ გამოიყურება, რომ მას ატმოსფეროს გავლით ვუყურებთ.

8. "გრიპის სეზონზე C ვიტამინი უნდა მოვიმარაგოთ"

შეგიძლიათ, დედას უთხრათ, რომ ის ცდებოდა. C ვიტამინის დანამატები ძალიან სუსტად ან საერთოდ არ მოქმედებს გაციების თავიდან აცილებასა და შემცირებაზე. შეიძლება, თავი ოდნავ უკეთ იგრძნოთ, მაგრამ გრიპის დაწყების შემდეგ მიღებული C ვიტამინით ვერ განიკურნებით.

9. "ადამიანის სიცოცხლის ერთი წელი ძაღლის ან კატის 7 წლის სიცოცხლეს უდრის"

კატების შემთხვევაში ეს ხშირად მართლდება, მაგრამ ძაღლებზე იმავეს ვერ ვიტყვით. ძაღლებისთვის ეს დამოკიდებულია ზომასა და ჯიშზე, რადგან ამ ინდიკატორების მიხედვით, მათი სიცოცხლის ხანგრძლივობა ერთმანეთისგან მკვეთრად განსხვავდება. ამასთანავე, ძაღლისა და კატისთვის პირველი დაბერების ასაკი 2 წელია და ეს პროცესი თავიდან იმაზე სწრაფად მიმდინარეობს, ვიდრე ადამიანი "14 წელში" წარმოიდგენს.

10. მდედრი ჩოქელა შეჯვარების შემდეგ მამრს ჭამს

ეს არც ჩოქელების ყველა სახეობას ახასიათებს და არც ყოველ ჯერზე ხდება. იმ სახეობებისთვისაც კი, სადაც ასეთი აქტივობა შეინიშნება, პარტნიორები მამრების მხოლოდ 28% ჭამს.

ბონუსი: ალბათ, თქვენც გსმენიათ ბობ მარლის ჰიტი Don't Worry, Be Happy. რას იფიქრებთ, თუ გეტყვით, რომ ეს სიმღერა ბობ მარლის გარდაცვალებიდან 7 წლის შემდეგ ჩაიწერა და მას სულ სხვა მომღერალი, ბობი მაკფერინი მღერის.