პრაღაში მიმდინარე GLOBSEC-ის უსაფრთხოების საერთაშორისო ფორუმის ფარგლებში, მეხუთე პრეზიდენტი სალომე ზურაბიშვილი ჩეხეთის პრეზიდენტს პეტრ პაველს და საფრანგეთის ევროპის საქმეთა მინისტრს, ბენჯამინ ჰადადს შეხვდა. ინფორმაციას მეხუთე პრეზიდენტის ადმინისტრაცია ავრცელებს.

მათივე ცნობით, შეხვედრაზე ზურაბიშვილმა ქვეყანაში მიმდინარე პროცესებზე ისაუბრა.

"შეხვედრისას სალომე ზურაბიშვილმა ისაუბრა საქართველოში მიმდინარე მოვლენებზე, ქართული ოცნების მიერ გახორციელებულ მასობრივ რეპრესიებზე: პოლიტიკური ფიგურების ციხეში ჩასმაზე, დიდი ოდენობით ჯარიმებზე, მასობრივ დაჯარიმებზე საზოგადოების იმ წარმომადგენლების მიმართ, რომლებიც არ ეთანხმებიან ქართული ოცნების საგარეო კურსსა და პოლიტიკას" — აღნიშნულია ინფორმაციაში.

იხილეთ ასევე: სალომე ზურაბიშვილი პრაღაში GLOBSEC-ის უსაფრთხოების საერთაშორისო ფორუმში მიიღებს მონაწილეობას