TV პირველის ჟურნალისტი ეკა მიშველაძე ფეისბუკზე გამოქვეყნებული პოსტის გამო 4 000 ლარით დააჯარიმეს. შეგახსენებთ, ადმინისტრაციულ სამართალდარღვევათა კოდექსში თებერვალში შესული ცვლილების თანახმად, პოლიტიკური თანამდებობის პირის შეურაცხყოფა დასჯადი გახდა და ის გამოიწვევს დაჯარიმებას 1500 ლარიდან 4000 ლარამდე ოდენობით ან ადმინისტრაციულ პატიმრობას 45 დღემდე ვადით.

ცნობისთვის, ოცნების წევრების მიმართ სოციალურ ქსელში დაწერილი შეფასებების გამო სასამართლოში 20-მე პირი დაიბარეს. Facebook-პოსტის გამო გუშინ დააჯარიმეს მარიამ გეგუჩაძე — 3000 ლარით, გიორგი მაქარაშვილი — 4000 ლარით, დეა მამისეიშვილი — 3000 ლარით და მიშა მშვილდაძე 4000 ლარით, ხოლო ტელეწამყვანების — ვიკა ბუკიას, ვახო სანაიასა და ნანუკა ჟორჟოლიანის გუშინდელი სასამართლო პროცესები გადაიდო.

ასევე იხილეთ: ნინო წილოსანის, მარიამ ლაშხის და მამუკა მდინარაძის სოციალურ ქსელში შეურაცხყოფისთვის 20-მდე პირს დღეს სასამართლოში იბარებენ

"ქართული ოცნება" იმ მოქალაქეებს უჩივის, რომლებიც სოციალურ ქსელში პარტიას აკრიტიკებენ