საქართველოსა და ისრაელის მოქალაქეების დანაშაულებრივი ჯგუფი თაღლითურად დაეუფლა გერმანიის მოქალაქეების მილიონობით ევროს — პროკურატურა
პროკურატურის ინფორმაციით, საქართველოსა და ისრაელის მოქალაქეებმა ჩამოაყალიბეს შეთანხმებულად მოქმედი, სტრუქტურული ფორმის მქონე ორგანიზებული დანაშაულებრივი ჯგუფი, თაღლითურად დაეუფლნენ გერმანიის მოქალაქეების კუთვნილ მილიონობით ევროს და მოახდინეს დანაშაულებრივი გზით მიღებული უკანონო შემოსავლის ლეგალიზაცია.
უწყებაში ამბობენ, რომ გერმანულ მხარესთან თანამშრომლობით ტრანსნაციონალური დანაშაული გახსნეს და საქმეზე 7 ადამიანია დაკავებული. მათივე ინფორმაციით, ფართომასშტაბიანი ღონისძიება ერთდროულად ორ ქვეყანაში, ათეულობით სხვადასხვა ლოკაციაზე მიმდინარეობდა.
პროკურატურის ინფორმაციით, დანაშაულის სქემა ასეთი იყო:
2015 წელს, საქართველოსა და ისრაელის მოქალაქეებმა, პირდაპირი ფინანსური და სხვა მატერიალური სარგებლის მიღების მიზნით, ჩამოაყალიბეს შეთანხმებულად მოქმედი, სტრუქტურული ფორმის მქონე ორგანიზებული დანაშაულებრივი ჯგუფი. უწყება ამბობს, რომ ჯგუფის წევრებმა საქართველოში დააფუძნეს 6 შეზღუდული პასუხისმგებლობის საზოგადოება (შპს), რომელთა ბაზაზე მოაწყვეს ე.წ. ქოლ-ცენტრი.
პროკურატურის ინფორმაციით, ქოლ-ცენტრში ოპერატორებად დაასაქმეს უცხო ენის მცოდნე ადამიანები და მათი სამიზნე ევროპის სხვადასხვა ქვეყანაში მცხოვრები მოქალაქეები იყვნენ.
უწყება ამბობს, რომ ე.წ. ქოლ-ცენტრის დანაშაულებრივი ფუნქციონირებისთვის შეიქმნა ათეულობით ელექტრონული სავაჭრო პლატფორმა, რომლის საშუალებითაც თაღლითურად მოპოვებული თანხები დანაშაულებრივი ჯგუფის წევრების ანგარიშებზე თავსდებოდა.
კერძოდ, პროკურატურის ინფორმაციით, ე.წ. ქოლ-ცენტრის თანამშრომლები, წინასწარ შემუშავებული გეგმის შესაბამისად, ცრუ სატელეფონო ნომრების გამოყენებით უკავშირდებოდნენ გერმანიისა და სხვა ქვეყნების მოქალაქეებს, ეცნობოდნენ გამოგონილი სახელებით, მათი კომპანიის ადგილსამყოფელის შესახებ აწვდიდნენ ყალბ ინფორმაციას და სთავაზობდნენ ფასიანი ქაღალდების, აქციების, სასაქონლო აქტივების, ვალუტების და კრიპტოვალუტების ელექტრონულ ვაჭრობაში მონაწილეობის მიღებას დანაშაულებრივი ჯგუფის მიერ შექმნილი ელექტრონული პლატფორმების გამოყენებით.
"ოპერატორები მომხმარებლებს არწმუნებდნენ, რომ მათი დახმარებით ფასების ზრდა-შემცირებაზე ელექტრონული ვაჭრობის შემთხვევაში, შეძლებდნენ სოლიდური მოგების მიღებას. მომხმარებლისგან თანხმობის მიღების შემდგომ, მათგან ელექტრონული ვაჭრობისთვის გამოყოფილი თანხების განთავსება ხდებოდა დანაშაულებრივი ჯგუფის კონტროლის ქვეშ არსებულ საბანკო ანგარიშებზე", — აცხადებენ უწყებაში.
როგორც პროკურატურა ამბობს, შემდეგ ეს თანხები თავსდებოდა ორგანიზებული ჯგუფის მიერ უცხოეთში დაფუძნებული კომპანიების ანგარიშებზე, საიდანაც ფიქტიური დანიშნულებით, თითქოსდა გაწეული მომსახურების სანაცვლოდ, ირიცხებოდა საქართველში, მათივე კომპანიების ანგარიშებზე.
უწყების ინფორმაციით, ამ სქემით მათ 9 490 991 ევროს, 716 642 დოლარისა და 218 000 ბრიტანული ფუნტი სტერლინგის უკანონო შემოსავლის ლეგალიზაცია მოახდინეს.
პროკურატურა ამბობს, რომ დაკავებული შვიდი ადამიანიდან ექვსს უკვე წარედგინა ბრალი სისხლის სამართლის კოდექსის 180-ე და 194 მუხლით, რაც თაღლითობასა და უკანონო შემოსავლის ლეგალიზებას გულისხმობს და სასჯელის სახედ და ზომად 9-დან 14 წლამდე თავისუფლების აღკვეთას ითვალისწინებს. პროკურატურა აღკვეთის ღონისძიების სახით პატიმრობას ითხოვს. რაც შეეხება მეშვიდე დაკავებულს, უწყებაში აცხადებენ, რომ ის საექსტრადიციო პატიმრობის მიზნით დააკავეს.
უწყება ამბობს, რომ ორგანიზებული დანაშაულებრივი ჯგუფის კანონსაწინააღმდეგო საქმიანობაში ჩართული სხვა პირების იდენტიფიცირების და მხილების მიზნით, გერმანულ მხარესთან აქტიური თანამშრომლობით გამოძიება გრძელდება.
პროკურატურის ინფორმაციით, გამოძიების ფარგლებში გაჩხრიკეს დანაშაულებრივი ჯგუფის წევრები, მათი საცხოვრებელი ბინები, ავტომანქანები და სამუშაო ადგილები; ამოიღეს 100-ზე მეტი ელექტრონული მატარებელი, დოკუმენტაცია და სავარაუდოდ დანაშაულებრივი გზით მოპოვებული განსაკუთრებით დიდი ოდენობით ფულადი თანხა. გარდა ამისა, უწყებაში ამბობენ, რომ გამოითხოვეს ელექტრონული ინფორმაცია ათეულობით ობიექტიდან, ყადაღა დაედო დანაშაულებრივი გზით მოპოვებულ უძრავ ქონებებს, ავტომანქანებს, საბანკო ანგარიშებზე განთავსებულ ფულად თანხებს, სხვადასხვა კომპანიების წილებს. პროკურატურის ინფორმაციით, საქართველოს ტერიტორიაზე ჩატარებულ ღონისძიებაში გერმანიისა და საქართველოს სამართალდამცავი ორგანოების 110 თანამშრომელი მონაწილეობდა.
-
-
გადახედვაTbilisi Open Air 2024-ის შემსრულებელთა სია ცნობილია Tbilisi Open Air 2024-ის შემსრულებელთა სია ცნობილია
-
-
გადახედვა"ეს თემა დახურულია ჩვენთვის" – კობახიძე ვეტინგის შესახებ "ეს თემა დახურულია ჩვენთვის" – კობახიძე ვეტინგის შესახებ
-
-
გადახედვაპინოქიო, მძინარე მზეთუნახავი და ბემბი საშინელებათა ფილმის გმირებად იქცევიან პინოქიო, მძინარე მზეთუნახავი და ბემბი საშინელებათა ფილმის გმირებად იქცევიან
-
-
გადახედვაშესაძლოა, მარსზე წყალს იმაზე მცირე ხანს ეარსება, ვიდრე აქამდე ვვარაუდობდით შესაძლოა, მარსზე წყალს იმაზე მცირე ხანს ეარსება, ვიდრე აქამდე ვვარაუდობდით
-
-
გადახედვადააკავეს 2 პირი, რომელიც საქართველოში ამზადებდა ევროპის ქვეყნების მართვის მოწმობებს და სხვა ყალბ საბუთებს დააკავეს 2 პირი, რომელიც საქართველოში ამზადებდა ევროპის ქვეყნების მართვის მოწმობებს და სხვა ყალბ საბუთებს
-
გადახედვაპრეზიდენტი: ბედნიერი ვარ, რომ დავიბადე 18 მარტს და არა 5 მარტს, თორემ ვიღაც-ვიღაცები კიდევ რაღაცას დამაბრალებდნენ პრეზიდენტი: ბედნიერი ვარ, რომ დავიბადე 18 მარტს და არა 5 მარტს, თორემ ვიღაც-ვიღაცები კიდევ რაღაცას დამაბრალებდნენ
-
გადახედვაპუტინმა ჩეჩნეთში ხმების 99% მიიღო პუტინმა ჩეჩნეთში ხმების 99% მიიღო
-
გადახედვაგზამკვლევი — როგორ შეგიძლია მიიღო იურიდიული დახმარება, თუ ამის ფინანსური შესაძლებლობა არ გაქვს გზამკვლევი — როგორ შეგიძლია მიიღო იურიდიული დახმარება, თუ ამის ფინანსური შესაძლებლობა არ გაქვს
-
გადახედვაგამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს გამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს
-
გადახედვადიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე დიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე
-
გადახედვაშესაძლოა, მარსზე ერთ მეტეორიტს 3 მილიარდამდე კრატერი წარმოექმნა შესაძლოა, მარსზე ერთ მეტეორიტს 3 მილიარდამდე კრატერი წარმოექმნა
-
-
გადახედვანანა ჯორჯაძის მორიგი შედევრი ქართველი ხელოვანების მძიმე ხვედრზე ნანა ჯორჯაძის მორიგი შედევრი ქართველი ხელოვანების მძიმე ხვედრზე
-
გადახედვამეტყველების ეს მახასიათებელი შესაძლოა, დემენციის ადრეული ნიშანი იყოს მეტყველების ეს მახასიათებელი შესაძლოა, დემენციის ადრეული ნიშანი იყოს
-
გადახედვაპერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის პერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის
-
გადახედვაპიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე პიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე
კომენტარები