კანიე ვესტს მორიგი კონცერტი 4 ივლისს, ტეხასის შტატის ქალაქ სან-ანტონიოში აქვს დაგეგმილი. ბილეთების გაყიდვის დაწყებიდან მეორე დღესვე, ქალაქის მერმა განაცხადა, რომ მას კანიე ვესტის კონცერტის გაუქმება სურდა.

სან-ანტონიოს მერმა, ჯინა ჯონსმა განაცხადა, აშშ-ის "სამხედრო ქალაქმა" არ უნდა უმასპინძლოს ადამიანს, რომელიც სიძულვილის ენას ავრცელებს და ანტისემიტური განცხადებებით გამოირჩევა, მით უმეტეს ისეთ სივრცეში, როგორიც სტადიონი Alamodome-ია.

კანიე ვესტის კონცერტი აქ არასდროს უნდა ჩატარდეს და მით უმეტეს 4 ივლისს, ჩვენი ქვეყნის 250 წლის იუბილეზე.

სან-ანტონიოს მერი, ჯინა ჯონსი.

მერის მოწოდების მიუხედავად, კონცერტზე ბილეთების შეძენა კვლავ შესაძლებელია.

სან-ანტონიოს გარდა, კანიე ვესტის კონცერტების გაუქმებას ფლორიდის შტატშიც ითხოვენ, ხოლო ანტისემიტური სკანდალებისა და ნაცისტური განცხადებების გამო, ბოლო პერიოდში მისი კონცერტები პოლონეთში, ჩეხეთსა და საფრანგეთში უკვე ჩაიშალა. რეპერს დიდ ბრიტანეთსა და ავსტრალიაში შესვლა საერთოდ აუკრძალეს.

ასევე იხილეთ: