მიხეილ ყაველაშვილმა "ჯარის ბანაკის" 2026 წლის გახსნის ცერემონიაზე ახალგაზრდებს მიმართა და პროექტის მნიშვნელობაზე ისაუბრა.

მისი განცხადებით, "ჯარის ბანაკი" უნიკალური პროექტია, რომელიც უკვე მეოთხე წელია ხორციელდება და ასეულობით ახალგაზრდას აძლევს შესაძლებლობას — შეიძინოს ცოდნა და გამოცდილება, რომელიც მთელი ცხოვრების განმავლობაში გამოადგებათ.

მისი თქმით, "დამოუკიდებლობის აღდგენის შემდეგ ასეთი ძლიერი და ასეთი განვითარებული საქართველო არ ყოფილა.

"თქვენ გაქვთ უნიკალური შესაძლებლობები, ჩემო ძვირფასებო, რომ გახდეთ თქვენს პროფესიებში წარმატებულები. თქვენ უკვე ისეთ ასაკში ხართ, ალბათ თითოეულ თქვენგანს განსაზღვრული გაქვთ, თუ რა პროფესია უნდა აირჩიოთ, მაგრამ მერწმუნეთ, რომ ის ღირებულებები, რომლებიც ჩვენ გვაერთიანებს — ეს არის მამული, ენა, სარწმუნოება, ღმერთი, სამშობლო, ადამიანი, ოჯახის სიწმინდე, უნიკალური ჩვენი კულტურა და ტრადიციები — ამ ღირებულებებით უნდა გახდეთ თქვენ წარმატებული ადამიანები და წარმატებული ქართველი პატრიოტები. მერწმუნეთ, რომ დამოუკიდებლობის აღდგენის შემდეგ ასეთი ძლიერი და ასეთი განვითარებული საქართველო არ ყოფილა. მაგრამ ეს არის საწყისი ეტაპი. ჩვენ წარმოვადგენთ დღეს საქართველოს თანამედროვეობას, თითოეული ადამიანი, განსხვავებული პოზიციებით, მაგრამ თითოეულ ჩვენგანს გვაქვს პირადი პასუხისმგებლობა ჩვენი სამშობლოს წინაშე. ამიტომ, ყველაფერი უნდა გავაკეთოთ იმისათვის, რომ ვიყოთ წარმატებულები და უფრო მეტად გავაძლიეროთ ჩვენი სამშობლო," — აღნიშნა ყაველაშივლმა.