საქართველოს ბანკი, როგორც ბიზნესის საიმედო პარტნიორი, პროექტების მხარდაჭერას განაგრძობს. ბანკთან თანამშრომლობით, ქედის რაიონში, მერისის თემში, ეკო ჰაუს მერისმა კოტეჯები მოაწყო. პროექტის ჯამური ღირებულება 900 ათას ლარს შეადგენს, საქართველოს ბანკის ინვესტიცია კი 200 ათასი ლარია.

"ეკო ჰაუს მერისი მაღალმთიან აჭარაში, ბათუმიდან 50 კმ მოშორებით მდებარეობს", — ამბობს ლარისა გავრილიუკი, ეკო ჰაუს მერისის ერთ-ერთი დამფუძნებელი — "ბუტიკ სასტუმრო ამჟამად ინდივიდუალურ (2-ადგილიან) და უნივერსალ (4-6-ადგილიან) 6 კოტეჯს აერთიანებს და 20-30 სტუმრის მიღებას უზრუნველყოფს.

"საკუთარი ხარჯებით ავაშენეთ და გავხსენით პირველი კოტეჯი. ამან გამოიწვია დიდი გამოხმაურება როგორც საქართველოში, ისე მის ფარგლებს გარეთ. ჩვენი ბიზნესის გაფართოების მიზნით კი, მივმართეთ საქართველოს ბანკს. სესხისა და რეინვესტირებული ფულადი სახსრების დახმარებით შევძელით კიდევ 4 კოტეჯის აშენება. კოტეჯებიდან მიღებულ მთლიან შემოსავალს სასტუმროს განვითარებისკენ მივმართავდით და ამის წყალობით, ჩვენ მეტი კოტეჯებისა და რესტორნის აშენებაც მოვახერხეთ.

"ეს პროექტი, რომელმაც ახალი ტენდენცია შექმნა საქართველოს სასტუმრო ბიზნესსა და ტურიზმში, არ განხორციელდებოდა საქართველოს ბანკის დახმარების გარეშე. უკვე ბევრი მიმდევარი გვყავს და ბევრი აშენებს მსგავს კოტეჯებს მთებში, მთელ ქვეყანაში. საქართველოს ბანკმა საკუთარი წვლილი შეიტანა არა მხოლოდ ჩვენი ბიზნესის, არამედ ტურიზმის განახლებაში კოვიდის რთულ პერიოდში. განსაკუთრებული მადლობა მინდა გადავუხადო ბანკს იმისთვის, რომ თავიდანვე გვენდო და ირწმუნა ჩვენი იდეის და სულ მზად არის დახმარებისთვის", — დასძენს ლარისა გავრილიუკი.

კოტეჯებისა და რესტორნის საინტერესო დიზაინი იდეალურად ერწყმის მთის ულამაზეს პანორამულ ხედებს. მისულ სტუმრებს განსატვირთად, ღია ვერანდაზე მოწყობილი ჯაკუზები და ჰამაკებიც დახვდებათ.

"ჩვენს საქმიანობაში ადგილობრივი მოსახლეობაა ჩართული. სამომავლოდ, ბიზნესის კიდევ უფრო გაფართოებას ვაპირებთ, შესაბამისად, ახალი სამუშაო ადგილების შექმნაც იგეგმება",- აღნიშნავს დამფუძნებელი.