დაავადებათა კონტროლის ცენტრის დირექტორის, ამირან გამყრელიძის განცხადებით, ვაქცინირებულ ადამიანს, არავაქცინირებულთან შედარებით, ვირუსის გადადების 9,3-ჯერ ნაკლები რისკი აქვს.

"ვაქცინირებული და არავაქცინირებული ადამიანებისთვის განსხვავებულია ვირუსის გადადების რისკი. ჩვენს მასალაზე რაც გაანალიზებულია, 9,3-ჯერ ნაკლები აქვს ვაქცინირებულს გადადების რისკი, არავაქცინირებულთან შედარებით, ანუ თუ ექნა ვაქცინირებულს და არავაქცინირებულს კონტაქტი ინფიცირებულთან, ვაქცინირებულის რისკი, რომ მას გადაედოს 9,3-ჯერ ნაკლებია", — განაცხადა მან.

20 ოქტომბრის მონაცემებით, საქართველოში სულ ჩატარდა 1 926 893 აცრა, დღიურად აცრილია 5 543 ადამიანი. დღეს დადასტურდა კორონავირუსის 5 219 ახალი შემთხვევა დადასტურდა, გამოჯანმრთელდა — 2 348, ხოლო გარდაიცვალა 42 ადამიანი.

საქართველოში ამ დროისთვის 4 სხვადასხვა ვაქცინაა ხელმისაწვდომი, თუმცა ასტრაზენეკათი აცრა მხოლოდ იმ ადამიანებს შეუძლიათ, ვინც ერთი დოზა უკვე გაიკეთა.

ვაქცინაციის პროგრამაში ჩართვა შეუძლია ყველა მსურველს, 16 წლის ზემოთ. გარდა ამისა, ქრონიკული დაავადებების ან საზღვარგარეთ წასვლის აუცილებლობის შემთხვევაში, აცრას შეძლებენ 12-წლიდან ბავშვებიც.

უკვე შესაძლებელია ბუსტერითა და ჩანაცვლებით სარგებლობაც. დეტალები ნახეთ აქ: ვინ მიიღებს, როდის და როგორ — რა უნდა ვიცოდეთ ბუსტერსა და ჩანაცვლებაზე

ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.