2021 წლის ბიზნესდაჯილდოებაზე რეგისტრაციისთვის 3 დღე დარჩა
ბიზნესდაჯილდოება 2021-ზე კომპანიების რეგისტრაცია გადამწყვეტ ფაზაში შედის, ბიზნესებს დრო 15 ოქტომბრამდე აქვთ, რომ მათთვის სასურველ ნომინაციაში დარეგისტრირდნენ. ამ დროისათვის ყველაზე მასშტაბურ ბიზნეს კონკურში უკვე 230 კომპანია დარეგისტრირდა, რომელთაგან უმეტესობა — 115, საუკეთესო პროდუქტის ან მომსახურების შექმნის მიმართულებით პირველობისთვის იბრძოლებს.
ნომინაციაში საუკეთესო პროდუქტის ან მომსახურების შექმნისთვის ჟიური ისეთ კომპანიებს ელოდება, რომლებმაც 2021 წელს ახალი პროდუქტი გამოუშვეს, ან ახალი მომსახურება დანერგეს, რითაც მომხმარებლების რაოდენობა და გაყიდვები გაზარდეს. ნომინაციაში ისეთი კომპანიებიც განიხილებიან, რომლებმაც უკვე არსებული პროდუქტის ან მომსახურების რებრედინგისა თუ მარკეტიგული კამპანიის შედეგად, ცნობადობის, მომხმარებლის რაოდენობისა და გაყიდვების გაზრდა შეძლეს.
ამ ნომინაციაში გამარჯვებულს ჟიურის წევრები: Silk Road Group-ის ფინანსური დირექტორი მამუკა შურღაია; დიზაინერი, ბრენდისა და პროდუქტის სპეციალისტი ერეკლე ინაშვილი; ბიზნესისა და ტექნოლოგიების უნივერსიტეტის რექტორი ნინო ენუქიძე; GEC Consulting-ის პარტნიორი გიორგი სიმონგულაშვილი; SOCAR Georgia-ის დირექტორი ლევან გიორგაძე და აწარმოე საქართველოს დირექტორი მიხეილ ხიდურელი გამოავლენენ.
"ჩემთვის საინტერესო იქნება იმის გარკვევა, თუ რამდენად მნიშვნელოვან პრობლემას აგვარებს ესა თუ ის პროდუქტი თუ მომსახურება ბაზარზე, რამდენად ახლებურად დაგვანახებს მეწარმე პროდუქტს და ამა თუ იმ სერვისის მიღების საშუალებას, ზოგადად, რამდენად რელევანტურია შექმნილი პროდუქტი და რამდენად აქვს ამ ბიზნესს ზრდის პოტენციალი. ჩემთვის საინტერესო იქნება ის პროდუქტი, რომელიც ბაზარზე სიახლეს შემოიტანს და, ამავდროულად, განვითარების გრძელვადიანი პერსპექტივაც ექნება", — ამბობს ჟიურის ერთ-ერთი წევრი, ლევან გიორგაძე.
სხვა კრიტერიუმებს შორის, რომლითაც ჟიური იხელმძღვანელებს, იქნება: პროდუქტის ან მომსახურების აქტუალურობა, ღირებულების შექმნა, ზრდის პოტენციალი, ცნობადობა, ხარისხი და სანდოობა.
წელს ბიზნესდაჯილდოების ნომინაციებში ბევრი სიახლეა. მაგალითად, დაემატა ორი ახალი ნომინაცია საუკეთესო ბიზნეს თანამშრომლობისთვის და რეგიონის განვითარებაში შეტანილი მნიშვნელოვანი წვლილისთვის.
ნომინაციაში საუკეთესო ბიზნეს თანამშრომლობა განაცხადის შეტანა შეგიძლიათ იმ შემთხვევაში, თუ 2021 წელს სხვა ბიზნესთან ითანამშრომლეთ, თუ გყავთ საუკეთესო ბიზნეს პარტნიორი, რომელთან ერთადაც ერთობლივი პროექტი განახორციელეთ და რომელიც უკეთესი ბიზნეს შედეგის მიღებაში დაგეხმარათ.საუკეთესო ბიზნეს თანამშრომლობის შედეგები განისაზღვრება შემდეგი კრიტერიუმებით: გაყიდვების ზრდა, ცნობადობის ამაღლება, პროცესების გამარტივება, შესაძლო ფინანსური ან იმიჯური ზიანის თავიდან არიდება, ერთობლივი პროექტით ჯილდოს მოპოვება და სხვა.
ჟიურის წევრები ნომინანტებს ამ კრიტერიუმებითაც შეაფასებენ: პარტნიორი ბიზნესისთვის ღირებულების შექმნა; პროექტის გავლენა ბიზნეს შედეგებზე. ჟიურის წევრები არიან: Forbes საქართველოს მთავარი რედაქტორი გიორგი ისაკაძე; ექსპორტის განვითარების ასოციაციის სამეთვალყურეო საბჭოს თავმჯდომარე ანა კვარაცხელია; EFSE, უფროსი საინვესტიციო ოფიცერი ივანე ლექვთაძე და Marketer-ის დამფუძნებელი, სილქროუდ ჯგუფის მარკეტინგის დირექტორი აკო ახალაია.
"ყველაფერს დამოუკიდებლად ვერ მივაღწევთ, ამიტომ საჭიროა კარგი პარტნიორის მოძებნა, შერჩევა და თანამშრომლობა. ჩვენ ისეთი ბიზნესების ისტორიებსა და მაგალითებს ვეძებთ, რომლებმაც ერთმანეთი გაზარდეს, ურთიერთობებით გაამდიდრეს, ცოდნა გაცვალეს და ერთად რაღაც ახალ მწვერვალზე ავიდნენ. თუნდაც ის, რომ ასეთი ნომინაცია არსებობს, ვფიქრობ, ბევრს დააფიქრებს და მომდევნო წლებში თანამშრომლობის უფრო მეტ მაგალითს ვიხილავთ", — ამბობს აკო ახალაია.
თუ ფიქრობთ რომ თქვენმა პროდუქტმა ან მომსახურებამ მნიშვნელოვანი წვლილი შეიტანა საქართველოს რომელიმე რეგიონის განვითარებაში, შექმენით განსხვავებული გარემო, განავითარეთ ტურიზმი, ხელი შეუწყვეთ ადგილობრივი მოსახლეობის დასაქმებას, ხელი შეუწყვეთ დაინტერესების გაზრდას თქვენი რეგიონის მიმართ ან განავითარეთ ინფრასტრუქტურა, მაშინ თქვენ რეგიონის განვითარებაში განსაკუთრებული წვლილი შეგაქვთ. ნომინაცია სწორედ ასეთი ბიზნესების აღმოსაჩენად და დასაფასებლადაც შეიქმნა.
"ვფიქრობ, უნდა გამოვავლინოთ ისეთი ბიზნესი, რომელიც სხვებს მაგალითს აძლევს, აგრძელებს ტრადიციას, აცოცხლებს სოფელს და ა.შ. წასახალისებელია ისეთი ინიციატივებიც, რომლებიც რთულ პირობებში, მაგალითად მაღალმთიან რეგიონებში ხორციელდება, ან ბიზნესები, რომლებსაც მოწყვლადი ჯგუფების წარმომადგენლები მართავენ", — ამბობს დავით წიკლაური, USAID/საქართველოს კერძო სექტორის განვითარების უფროსი მრჩეველი და კავკასიის უნივერსიტეტის მარკეტინგის პროფესორი.
დავით წიკლაურის გარდა ნომინაციას რეგიონის განვითარებაში გამორჩეული როლისთვის კიდევ ოთხი ჟიურის წევრი შეაფასებს. ესენი არიან: GEC JS-ის პარტნიორი ეკა ქათამაძე; UNDP-ის კოორდინატორი ეკონომიკური განვითარების საკითხებში გვანცა ირემაშვილი; Insource-ის მმართველი პარტნიორი მედეა ტაბატაძე და Gateway&Partners Georgia-ის გენერალური დირექტორი გვანცა მელაძე.
ჟიურის წევრები შეფასებისას შემდეგ კრიტერიუმებს გამოიყენებენ:
- რეგიონის ცნობადობის ზრდა
- რეგიონისთვის ღირებულების შექმნა
- ბიზნესის ავთენტურობა რეგიონთან მიმართებაში
- გავლენა ადგილობრივ მოსახლეობაზე
კიდევ ერთი მნიშვნელოვანი სიახლე, რასაც ბიზნესდაჯილდოება საზოგადოებას სთავაზობს, არის ორი ნომინაციის გაერთიანება, რაც სტარტაპის და ინოვაციური პროდუქტის შემთხვევაში მოხდა. წელს დაჯილდოება ინოვაციური სტარტაპის შემქმნელებს ეძებს. ბიზნესდაჯილდოება ინოვაციურ და ტექნოლოგიურ ბიზნესებს წაახალისებს, რაც ქვეყნის ტექნოლოგიური ეკოსისტემის განვითარებას შეუწყობს ხელს.
"შეფასების კრიტერიუმი, პირველ რიგში, იქნება ის, თუ რამდენად იყენებს კომპანია ციფრულ ტექნოლოგიებს. მეორე რიგში — ინოვაციური, ანუ არასტანდარტული მიდგომა, ანუ როგორ იყენებს კომპანია უკვე არსებულ ტექნოლოგიებს, როგორ შეუძლია დაინახოს ის, რასაც სხვა ვერ ხედავს და ეს ხედვა ახალი პროდუქტების შექმნის პროცესში გამოიყენოს", — ამბობს UniLab-ის დირექტორი სანდრო ასათიანი, რომელიც ჟიურის ერთ-ერთი წევრია.
შეფასების კრიტერიუმებია პროდუქტის ინოვაციურობა, ზრდის და მასშტაბირების პოტენციალი, ბიზნეს მოდელი, ღირებულების შექმნა და ინოვაციის ათვისების სიმარტივე მომხმარებლისთვის. ამ კრიტერიუმების მიხედვით სტარტაპებს შეაფასებენ Apple-ის ტექნოლოგიური ლიდერი მიხეილ წიკლაური; საქართველოს ინოვაციების და ტექნოლოგიების სააგენტოს თავმჯდომარე ავთანდილ კასრაძე; Amazon-ის რევერსული ლოჯისტიკის ხელოვნური ინტელექტის განვითარების ბიზნეს ჯგუფის ხელმძღვანელი პავლე მგელაძე, ტექნოლოგიური ანტრეპრენერი დავით ჩეჩელაშვილი და VISA-ის კავკასიის რეგიონული მენეჯერი დიანა კიღურაძე.
თანამედროვე სამყაროში ბიზნესს უდიდესი პასუხისმგებლობა აკისრია იმ საზოგადოების და გარემოს მიმართ, რომელშიც საქმიანობს. ამიტომ, ბიზნესის სოციალური პასუხისმგებლობა სულ უფრო მეტ დატვირთვას იძენს. თუ გაქვთ ისეთი ბიზნესი, რომელიც გრძნობს სოციალურ პასუხისმგებლობას, ზრუნავს გარემოზე და საზოგადოების ცნობიერების ამაღლებაზე, შეგიძლიათ ბიზნესდაჯილდოებაში მიიღოთ მონაწილეობა და ნომინაციაში გამორჩეული სოციალური პასუხისმგებლობისთვის იბრძოლოთ ჯილდოსთვის.
ამ ნომინაციის მონაწილე კომპანიებს შეაფასებენ CENN-ის აღმასრულებელი დირექტორი ნანა ჯანაშია; Impact Hub Tbilisi-ის თანადამფუძნებლები ქეთი ებანოიძე და ელენე ჟვანია; ლივინგსტონის თანადამფუძნებელი ლევან ლეფსვერიძე და Nexia TA-ის მმართველი პარტნიორი გელა მღებრიშვილი.
ბიზნესდაჯილდოების გამარჯვებულები თიბისისგან სპეციალურ ჯილდოს მიიღებენ იმის მიხედვით, თუ რა სჭირდებათ მათ განვითარების ამ ეტაპზე: ახალი ვებგვერდი, ბრენდინგი თუ საკომუნიკაციო მხარდაჭერა.
რეგისტრაციის დასრულებამდე 3 დღე რჩება. თუ ჯერ კიდევ არ ხართ ნომინანტი, შეგიძლიათ ამ ვებგვერდზე დარეგისტრირდეთ.
-
გადახედვაარსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს არსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს
-
გადახედვაორი პოლიციელი დაიღუპა თავდასხმის შედეგად ყარაჩაი-ჩერქეზეთში ორი პოლიციელი დაიღუპა თავდასხმის შედეგად ყარაჩაი-ჩერქეზეთში
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
კომენტარები