მოკლედ: საქართველოს პროკურატურის ინფორმაციით, თვითმკვლელობამდე მიყვანის და ადევნების ფაქტებზე, ერთ პირს ბრალდება წარედგინა.

დეტალები: გამოძიებით დადგინდა, რომ ბრალდებული, 2022 წლის იანვრიდან 2023 წლის ოქტომბრის პერიოდში, ფეისბუქზე სისტემატურად ათავსებდა დაზარალებულის პატივისა და ღირსების შემლახველ პოსტებს, რის გამოც დაზარალებულმა 2023 წლის 17 ოქტომბერს თვითმკვლელობა სცადა.

  • დაზარალებულს დროულად გაეწია სამედიცინო დახმარება და გადარჩა.

ბოლო ხაზი: გამოძიება მიმდინარეობს მუხლით, რომელიც გულისხმობს თვითმკვლელობის ცდამდე მიყვანა მსხვერპლის პატივისა და ღირსების სისტემატური დამცირებით და

  • ადევნება — ელექტრონული საშუალებით სისტემატურად არასასურველი კომუნიკაცია, რაც იწვევს პირის ფსიქიკურ ტანჯვას და რაც პირს ცხოვრების წესის შეცვლის რეალურ საჭიროებას უქმნის.
  • მუხლი 2-4 წლამდე პატიმრობას ითვალისწინებს.