მოკლედ: სახელმწიფო უსაფრთხოების სამსახურმა, ჯგუფურად კომერციული მოსყიდვის ფაქტზე, ერთი პირი დააკავა, ხოლო ერთი პირი ამხილა.

დეტალები: გამოძიებით დადგინდა, რომ კერძო სამკურნალო დაწესებულება შპს ქალაქ რუსთავის N1 პოლიკლინიკის დირექტორმა და ექიმმა, 2000 აშშ დოლარის სანაცვლოდ, ჯანმრთელობის მდგომარეობის შესახებ ყალბი ცნობა დაუმზადეს ეგვიპტის არაბთა რესპუბლიკის მოქალაქეს, რომელსაც საქართველოში ბინადრობის უფლების ვადის გასვლის გამო დეპორტაციას ექვემდებარებოდა.

  • დირექტორმა და ექიმმა ფორმა N100-ში დააფიქსირეს სხვადასხვა არარსებული დაავადება, რაც პირის ქვეყნიდან გაძევებას ხელს შეუშლიდა.

ბოლო ხაზი: გამოძიება მიმდინარეობს მუხლით, რომელიც გულისხმობს წინასწარი შეთანხმებით, ჯგუფის მიერ კომერციული მოსყიდვისა და ყალბი ოფიციალური დოკუმენტის დამზადება-გასაღებას.

  • მუხლი 4-დან 6 წლამდე პატიმრობას ითვალისწინებს.