საქართველოს პარლამენტის წევრი ერთიანი ნაციონალური მოძრაობიდან, რომან გოცირიძე მიიჩნევს, რომ მოსმენების კანონი საქართველოში არავის მოსწონს გარდა საპარლამენტო უმრავლესობისა. მისი თქმით, საქართველოში მოქმედი არცერთი არასამთავრობო ორგანიზაცია და პოლიტიკური პარტია იზიარებს მოსმენების კანონის იმ რედაქციას, რომელსაც პრეზიდენტმა ვეტო დაადო. ამის შესახებ გოცირიძემ ვეტოს დაძლევაზე მსჯელობისას პარლამენტში განაცხადა.

გოცირიძეს მიჩნია, რომ ე.წ. მოსმენების კანონი უსაფრთხოების ნაცვლად ძალაუფლების შენარჩუნებას ემსახურება.

"მე მაინც მგონია, რომ იმდენად ოდიოზური კანონპროექტია, საკონსტიტუციო სასამართლო ვერ გაბედავს ამ კანონის უკან არ დაბრუნებას. მით უფრო, რომ შენიშვნები არის ზუსტად იგივე და მას არ მოუწევს დროის ძალიან გახანგრძლივება, ვინაიდან ფაქტობრივად საკონსტიტუციო სასამართლოს მიერ გამოთქმული შენიშვნების არცერთი ნაწილი არ იქნა გათვალისწინებული," - თქვა გოცირიძემ და სამი მიზეზი დაასახელა რატომ არ არის ახალი ორგანო, რომელსაც ფარული საგამოძიებო მოქმედებების ჩატარების უფლებამოსილება ექნება თავისუფალი.

გოცირიძის სამი არგუმენტი:

  1. ეს ორგანო არ არის დამოუკიდებელი;
  2. უხეშად ეხება ბიზნესს;
  3. არ არსებობს ამ უწყებაზე დემოკრატიული კონტროლის მექანიზმი.

საქართველოს პრეზიდენტმა, გიორგი მარგველაშვილმა ე.წ. მოსმენების კანონს ვეტო 20 მარტს დაადო. ვეტოს დადების მიზეზები მან ასე განმარტა:

  1. ეს არის სააგენტოს დამოუკიდებლობა, რომელიც წარმოდგენილი კანონპროექტით არ არის უზრუნველყოფილი და შესაბამისად, ეწინააღმდეგება ამ საკითხზე საკონსტიტუციო სასამართლოს გადაწყვეტილებას;
  2. მეორე ეს არის კანონპროექტში გაუმართლებელი და არაპროგნოზირებადი ხარჯები, რომელსაც ეს კანონპროექტი აკისრებს საკომუნიკაციო კომპანიებს.