ევროკავშირის ელჩის საქართველოში, კარლ ჰარცელის განცხადებით, კარგი მიზეზები არსებობს იმისთვის, რომ სახელმწიფო უსაფრთხოების სამსახურებმა მოსმენების მსგავსი ინსტრუმენტები გამოიყენონ, მათ შორის ის ასახელებს ტერორიზმს, ჯაშუშობასა და სხვას.

"ყვლას მინდა შევახსენო, რომ რა თქმა უნდა, ნებისმიერ უსაფრთხოების სამსახურს აქვს ინტერესი, რომ სახელმწიფოს უსაფრთხოებისთვის იმუშაოს საფრთხეებზე, რომელიც შეიძლება სახელმწიფოს დაემუქროს, ტერორიზმის, ჯაშუშობის თვალსაზრისით. კარგი მიზეზებია ამ ტიპის ინსტრუმენტების გამოსაყენებლად, მაგრამ ეს ყველაფერი გამოყენებული იქნეს ძალიან ფრთხილად, რადგან მეორე მხარეს დგას პირადი ცხოვრება და უფლება, რომ გქონდეს საკუთარი პირადი სივრცე", — განაცხადა მან.

13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.

ჩანაწერების მიხედვით, უსმენენ და უთვალთვალებენ ელჩებსა და საელჩოების თანამშრომლებსაც. ფაილებში დაარქივებულია ევროკავშირის ელჩისა და მისი თანამშრომლის საუბარი. თავდაპირველად, ელჩი თანამშრომელს პროტოპრესვიტერ გიორგი ზვიადაძის ნომერს სთხოვს, შემდეგ კი მიმდინარე საკითხებზე თავის პოზიციას აფიქსირებს.

დოკუმენტებში არის ინფორმაცია ამერიკის საელჩოს წარმომადგენლების შესახებაც. მაგალითად, მითითებულია, რომ ელჩის თანაშემწეს დაუკავშირდა USAID-ის წარმომადგენელი და კონკრეტული შეხვედრის მონაწილეების შესახებ ინფორმაცია დააზუსტა.

მსგავსი ინფორმაციები გვხვდება გერმანიის, საფრანგეთის, ისრაელის და სხვა საელჩოების შემთხვევაშიც.

გაიგეთ მეტი გავრცელებულ ჩანაწერებზე: