შს მინისტრის ახალ მოადგილეს, გეკა გელაძეს, რომელიც სუს-ის უფროსის პოსტიდან შინაგან საქმეთა სამინისტროში დააბრუნეს, სახელმწიფო დაცვა დაენიშნა. შესაბამისი განკარგულება პრემიერის ხელმოწერით გამოქვეყნდა.

"გელა გელაძეს დაენიშნოს სახელმწიფო დაცვა, შესაბამისი წინაპირობებიდან გამომდინარე საჭიროების გასვლამდე, 2027 წლის 15 სექტემბრამდე პერიოდში, სახელმწიფო დაცვის მინიმალური სტანდარტების შესაბამისად", — წერია კობახიძის მიერ ხელმოწერილ განკარგულებაში.

ცნობისთვის, გელა (გეკა) გელაძემ სუს-ის უფროსის პოსტი მიმდინარე კვირას დატოვა. მოგვიანებით პრემიერმა განაცხადა, რომ ის შს მინისტრის მოადგილედ დაინიშნა. აღსანიშნავია, რომ სუს-მდე გელაძე შს მინისტრი იყო. შესაბამისად, ამ ცვლილებით გეკა გელაძე აღნიშნულ უწყებაში დაბრუნდა, ამჯერად მოადგილის პოსტზე.