ლელო საქართველოსთვის ერთ–ერთი ლიდერის, ანა ნაცვლიშვილის განცხადებით, საქართველოს პრეზიდენტი, სალომე ზურაბიშვილი, ბოლო პერიოდში, ადრინდელისგან განსხვავებით, უჩვეულოდ სწორ და ზუსტ განცხადებებს აკეთებს. მისი თქმით, იმდენად მოანატრეს საზოგადოებას ადეკვატური პირი ხელისუფლებაში, რომ როცა პრეზიდენტი მარტივ ჭეშმარიტებას სახელს არქმევს, ეს უხარიათ.

"რამდენად დაეცა სტანდარტი და რა მარაზმულ ხელისუფლებას უძლებს ჩვენი საზოგადოება, რომ თეთრს რომ თეთრს და შავს შავს არქმევს პრეზიდენტი, რაც მისი პირდაპირი ვალდებულებაა და ამისთვის არის იქ, აი, ეს გვიხარია", — აღნიშნა ნაცვლიშვილმა TV ეთერში.

დღეს, პირველ სექტემბერს საქართველოს პრეზიდენტმა სალომე ზურაბიშვილმა ბრიფინგი გამართა, სადაც ხელისუფლების გადაწყვეტილება, ევროკავშირის ფინანსურ დახმარებაზე უარის თქმის შესახებ გააკრიტიკა და ის "გაუგებარი ნაბიჯად" შეაფასა.