მაისში 187,7 მილიონი დოლარის ფულადი გზავნილი მივიღეთ, რაც გასული წლის იმავე თვესთან შედარებით 42,4%-ით მეტია. უცხოეთიდან გადმორიცხული თანხების მოცულობა გასულ წელთან შედარებით გაზრდილია თითქმის ყველა ქვეყნიდან, რაც არ არის გასაკვირი, რადგან 2020-ის მაისში, კორონაპანდემიის ფონზე, ფულადი გზავნილები განსაკუთრებით შემცირდა.

ეროვნული ბანკის მიერ გავრცელებულ რელიზში ნათქვამია, რომ გზავნილების 43% ევროკავშირის ქვეყნებიდან, ხოლო 57% სხვა დანარჩენი ქვეყნებიდან მივიღეთ.

10 ქვეყანა, საიდანაც მაისში ყველაზე მეტი მოცულობის ფულადი გზავნილი გადმოირიცხა:

  1. იტალია — 31,9 მილიონი დოლარი; ზრდა 2020 წლის მაისთან — 15,7%;
  2. რუსეთის ფედერაცია — 31,7 მილიონი დოლარი; ზრდა — 60,6%;
  3. აშშ — 24,1 მილიონი დოლარი; ზრდა — 58,8%;
  4. საბერძნეთი — 20,6 მილიონი დოლარი; ზრდა — 9,6%;
  5. ისრაელი — 14,8 მილიონი დოლარი; ზრდა — 29,8%;
  6. გერმანია — 9,1 მილიონი დოლარი; ზრდა — 70,3%;
  7. უკრაინა — 7,7 მილიონი დოლარი; ზრდა — 110%;
  8. აზერბაიჯანი — 7,7 მილიონი დოლარი; ზრდა — 115,3%;
  9. თურქეთი — 7,3 მილიონი დოლარი; კლება — 1,5%;
  10. ესპანეთი — 4,6 მილიონი დოლარი; ზრდა — 41,8%;

აღსანიშნავია, რომ 2021 წლის მაისში საქართველოდან საზღვარგარეთ 22,9 მილიონი დოლარი გადაიგზავნა, რაც 2020 წლის მაისის (13,6 მილიონი დოლარი) ანალოგიურ მაჩვენებელთან შედარებით 68,5%-ით მეტია.

რაც შეეხება მიმდინარე წლის პირველი ხუთი თვის უცხოეთიდან გადმორიცხული თანხების სტატისტიკას, იანვარ-მაისში სულ 881 მილიონი დოლარის ფულადი გზავნილი მივიღეთ, რაც გასული წლის იმავე პერიოდთან შედარებით 47%-ით, ანუ 281 მილიონი დოლარით მეტია.