ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი X-ზე ღაზაში ჰუმანიტარული დახმარების განაწილების პუნქტებში დაღუპულებზე კომენტარი გააკეთა.

"გამართლება არ აქვს ღაზაში ჰუმანიტარული დახმარების მაძიებელი მშვიდობიანი მოსახლეობის ხოცვას. გიდეონ საარს ვესაუბრე და გავახსენე ჩვენი შეთანხმება ჰუმანიტარული დახმარების მიწოდებაზე. მკაფიოდ მივუთითე, რომ ისრაელის თავდაცვის ძალებმა უნდა შეწყვიტონ ხალხის დახოცვა განაწილების პუნქტებთან. ყველა ვარიანტი განიხილება, თუ ისრაელი თავის ვალდებულებებს არ შეასრულებს" — წერს კალასი.

გაერო-ს სააგენტო UNRWA აცხადებს, რომ გასული ორი თვის განმავლობაში ღაზაში ჰუმანიტარული დახმარების მისაღებ პუნქტებთან დაახლოებით 1000 ადამიანი მოკლეს.