აშშ იუნესკოდან გასვლას აანონსებს — განცხადებაში ვკითხულობთ, რომ გაერო-ს განათლების, მეცნიერებისა და კულტურის ორგანიზაციის დირექტორს, ოდრი აზულეს უკვე ეცნობა ამ გადაწყვეტილების შესახებ.

"აშშ-ის გადაწყვეტილებით, ქვეყანამ იუნესკოდან გასვლის შესახებ ოფიციალურად აცნობა ორგანიზაციის გენერალურ დირექტორ ოდრი აზულეს. განცხადების მიხედვით, იუნესკოში წევრობა ამერიკის ეროვნული ინტერესების ფარგლებში აღარ შედის.

იუნესკო განხეთქილების გამომწვევი სოციალური და კულტურული იდეების პოპულარიზაციის მიზნით მუშაობს, ზედმეტ ყურადღებას ამახვილებს გაერო-ს მდგრადი განვითარების მიზნებზე, საერთაშორისო განვითარების გლობალისტურ და იდეოლოგიურ პროგრამაზე, რომელიც ჩვენს საგარეო პოლიტიკას, "ამერიკა უპირველეს ყოვლისა" ეწინააღმდეგება.

აშშ-ის მონაწილეობის ძირითადი პრინციპი საერთაშორისო ორგანიზაციებში იქნება ქვეყნის ინტერესების მკაფიო და მტკიცე დაცვა.

იუნესკოს კონსტიტუციის მე-2 მუხლის მე-6 პუნქტის თანახმად, აშშ-ის გასვლა ძალაში შევა 2026 წლის 31 დეკემბერს. მანამდე, აშშ იუნესკოს სრულფასოვანი წევრი დარჩება," — ვკითხულობთ განცხადებაში.