ეშმაკი ატარებს პრადას 2 აქტიური გადაღების ფაზაშია — ფილმის გადასაღები მოედნიდან ცხელ-ცხელი ფოტოები ვრცელდება.

პირველი კადრები, სადაც ენ ჰეთეუეი ენდი საქსის როლს კვლავ ასრულებს, უკვე გავრცელდა — ფოტოები გარკვეულ მინიშნებებს გვაძლევს იმის შესახებ, თუ რას უნდა ელოდონ ფილმის გულშემატკივრები.

ერთ-ერთ კადრში, რომელიც ნიუ-იორკში მდებარე გადასაღებ მოედანზეა გადაღებული, 42 წლის მსახიობი ელეგანტურ, ნაირფეროვან გრძელ კაბაში და ღია ფერის ქუდში პოზირებს, როცა ქუჩას კვეთს და ტელეფონზე საუბრობს.

ფოტო გვიმტკიცებს, რომ ჰეთევეის პერსონაჟი კვლავაც ინარჩუნებს 2006 წლის ორიგინალური ფილმიდან მიღებულ მაღალი მოდის შეგრძნებას. გარდა მობილურისა, ენს ხელში უჭირავს Fendi-ის ჩანთა, ჩემოდანი და Runway-ს წარწერიანი ჩანთა, რაც შესაძლოა მიუთითებდეს იმაზე, რომ ჟურნალისტი კვლავ დაბრუნდა "ეშმაკთან", მირანდა პრისლისთან ჟურნალში სამუშაოდ.

გადაღების ფოტოებიდან კიდევ ერთი დეტალი იპყრობს ყურადღებას: ენდის კოსტიუმს არ ამშვენებს ქორწინების ბეჭედი, რაც, როგორც ჩანს, მიანიშნებს, რომ გმირი დაოჯახებული აღარ იქნება.

ფოტოებმა ნამდვილად ბევრი კითხვა გაუჩინა მაყურებელს, თუმცა ეს არ არის ენდის გარდერობის ერთადერთი ლუქი, რომელიც ვიხილეთ. კიდევ ერთ კადრში, რომელიც 21 ივლისს პლატფორმა X-ზე გავრცელდა, ჰეთეუეი წვრილზოლიან ჟილეტსა და მის შესატყვის შარვალში ვიხილეთ.

ფოტო: Backgrid

საკულტო ფილმის მეორე ნაწილის სიუჟეტის ძირითადი ხაზი უკვე ცნობილია. 20th Century Studios-ის პრესრელიზის თანახმად, ისტორია გვიჩვენებს მირანდა პრისლის, რომელიც ტრადიციული ბეჭდური ჟურნალების ინდუსტრიის კრიზისს ებრძვის. ამავდროულად, იგი კონფლიქტშია ყოფილ ასისტენტ ემილი ჩარლტონთან (ემილი ბლანტი), რომელიც ახლა მაღალი რანგის მენეჯერია ელიტურ სარეკლამო კომპანიაში.

მაგრამ შეძლებს თუ არა ეს ორი მოდის დივა საერთო ენას პოვნას? პასუხის გასაგებად მაყურებელს ლოდინი მოუწევს. ფილმი დიდ ეკრანებზე 2026 წელს გამოვა.

იხილეთ ასევე: