ცოტა ხნის წინ 8 წლამდე გოგონათა შორის ჭადრაკში საქართველოს ჩემპიონატი გაიმართა, რომლის გამარჯვებული ბორჯომელი ბარბარე შონია გახდა.

ადგილობრივი მედიის, ტელეკომპანია ბორჯომის ინფორმაციით, ეს მეორე შემთხვევაა, როცა ამ პატარა მოჭადრაკემ საქართველოს ჩემპიონობა მოიპოვა: მანამდე 7 წლამდე გოგონათა ჩემპიონატში გაიმარჯვა.

პანდემიის გამო ჩემპიონატი წელს დისტანციურად, ონლაინფორმატში ჩატარდა, რის გამოც რვა წლის ბარბარეს დაჯილდოებაც შედარებით მოკრძალებულად, ბორჯომის სასპორტო სკოლაში გაიმართა: ადმინისტრაციამ მას სიგელი, თასი და მედალი გადასცა.

როგორც თავად ბარბარე ამბობს, ჭადრაკს სამი წლიდან თამაშობს და წინ კიდევ უფრო დიდი წარმატებისთვის ემზადება.