პარლამენტის თავმჯდომარის, არჩილ თალაკვაძის განცხადებით, ქართული ოცნების დეპუტატების მიერ პარტიის დატოვებით კიდევ ერთხე დადასტურდა, რომ ექსპრემიერმა გიორგი გახარიამ პირადი ინტერესებით იხელმძღვანელა.

"დღეს კიდევ ერთხელ დადასტურდა, რომ გიორგი გახარიამ პირადი ინტერესებით იხელმძღვანელა და მან თავისი მეგობრებიც დაარწმუნა ამაში. მაშინ, როდესაც კონსოლიდაცია, ერთობლივი გადაწყვეტილებები, ერთად მუშაობა იყო ყველაზე საჭირო მან დატოვა გუნდი და შემდეგ მისმა მეგობრებმა დატოვეს საპარლამენტო უმრავლესობა", — განაცხადა თალაკვაძემ.

დღეს, 14 აპრილს ცნობილი გახდა, რომ ქართული ოცნების 6 დეპუტატი მმართველ პარტიას ტოვებს და გახარიას უერთდება. "ოცნებიდან" მიდიან: გიორგი ხოჯევანიშვილი, მიხეილ დაუშვილი, ანა ბუჩუკური, ალექსანდრე მოწერელია, ბექა ლილუაშვილი და შალვა კერესელიძე. მათი თქმით, გადადიან გახარიას "პარტიის მშენებლობის ახალ ეტაპზე" და დასძინეს, რომ საქმიანობას გააგრძელებენ, როგორ დამოუკიდებელი დეპუტატები.