შსს-ს ინფორმაციით, ავლაბრის ტერიტორიაზე მომხდარ ინციდენტში ორი სავარაუდო ბრალდებულის ვინაობა გამოძიებისთვის უკვე ცნობილია. უწყების ცნობით, გამოძიებას სისხლის სამართლის კოდექსის 118-ე, სხეულის განზრახ ნაკლებად მძიმე დაზიანების მუხლით მიმდინარეობს. როგორც პრესსამსახურში აცხადებენ, აღნიშნული ფაქტის მიზეზს გამოძიება დაადგენს.

შემთხვევა 21 მაისს, დაახლოებით საღამოს 7-ის ნახევრისთვის მოხდა. დამოუკიდებელმა ლგბტ აქტივისტმა ნინო ბოლქვაძემ On.ge-თან საუბარში განაცხადა, რომ დაზარალებულთაგან ერთ-ერთი არასრულწლოვანი იყო. მისივე ვარაუდით, თავდასხმა შესაძლოა ჰომოფობიური ნიშნით ჩაედინათ:

"ერთადერთი მაიდენთიფიცირებელი ნიშანი, რომელმაც თავდამსხმელს აფიქრებინა, რომ ჰომოსექსუალი ადამიანი შეიძლებოდა ყოფილიყო დაზარალებული, ესაა გრძელი თმა. როდესაც ჩაუარეს ამათ, ერთ-ერთმა თავდამსხმელმა შეაფურთხა, რაც არის ზიზღის გამოხატულება და სუძულვილით მოტივირებული დანაშაული".

ნინო ბოლქვაძის თქმით, დაზარალებულებმა თავდამსხმელების ქმედებას ყურადღება არ მიაქციეს და გზა გააგრძელეს, თუმცა ისინი დაედევნენ:

"იმ მომენტში როდესაც ამათკენ გამოექანნენ, დაზარალებულმა სურათი გადაუღო თავდამსხმელს. მათ დანა ჰქონდათ და ერთ-ერთს რამდენიმე ადგილას ჩაარტყეს, მეორეს კი ფეხი გადაუსერეს".

ნინო ბოლქვაძე განმარტავს, რომ ამგვარი მიზანმიმართული ქმედება სიძულვილით მოტივირებულ დანაშაულებს ახასიათებს. მისივე თქმით, დიდი შანსი იყო საქმე მკვლელობამდე მისულიყო.

დაზზარალებულთა უფლებებს იდენტობას ადვოკატი დაიცავს.