საქართველოში პირველად ტრანსი ქალის გენდერი სამართლებრივად აღიარეს
საქართველოში პირველად ტრანსი ქალის მოთხოვნა, რომ გენდერის შესახებ დოკუმენტში ჩანაწერი მამრობითიდან მდედრობითით შეეცვალა, დაკმაყოფილდა. ინფორმაციას ამის შესახებ ქალთა ინიციატივების მხარდამჭერი ჯგუფი ავრცელებს. WISG-ის იურისტის, ქეთი ბახტაძის ინფორმაციით, ტრანსგენდერ ქალს გაკეთებული ჰქონდა სქესის შეცვლის ოპერაცია, რის შემდეგაც იუსტიციის სახლს მიმართა და დოკუმენტებში მდედრობითი სქესი ჩაუწერეს. ბახტაძის თქმით, ამ კონკრეტული შემთხვევით დადასტურდა პრაქტიკა, რომ იუსტიციის სამინისტრო ტრანსგენდერი ადამიანების გენდერს სამართლებრივად მხოლოდ სქესის შეცვლის ოპერაციის ჩატარების შემდეგ აღიარებს.
"ეს არის პრაქტიკა, რომელსაც არ აქვს საკანონმდებლო საფუძველი და ადმინისტრაციული მექანიზმი ამის არ არსებობს. იუსტიციის სამინისტრო აქამდე აჟღერებდა ზეპირად, რომ ადამიანი თუ ჩაიტარებს ოპერაციას, მის გენდერს სამართლებრივად ვაღიარებთო. ამ კონკრეტულ სიტუაციაში დადასტურდა, უბრალოდ, ეს პრაქტიკა, მაგრამ არსად წერია, რომ ამ შემთხვევაში ნამდვილად შეიცვლება სქესის მარკერი და შეგვეძლო, მხოლოდ ზეპირად წარმოგვედგინა, რასაც სამინისტრო ამბობდა", — ამბობს იურისტი.
ქეთი ბახტაძე აღნიშნავს, რომ ეს არის მახინჯი პრაქტიკა და საჭიროა კანონი, ადმინისტრაციული მექანიზმი, რადგან დოკუმენტებში გენდერის მარკერის შეცვლის პროცედურის ვადებიც კი არ არის კანონით გაწერილი. მისი თქმით, ტრანსგენდერი ქალი უწყების ამ გადაწყვეტილებას 4 თვის მანძილზე ელოდა.
"ეს პრაქტიკა ვერ ხედავს იმ ადამიანებს, რომლებსაც არ შეუძლიათ, არ სურთ, ფული არ აქვთ ან ჯანმრთელობა არ უწყობთ ხელს, რომ ჩაიტარონ სქესის კვლავ მინიჭების ქირურგიული პროცედურები. შესაბამისად, ეს პრაქტიკა ადამიანის უფლებებზე დაფუძნებული არ არის, უხეშად ერევა ადამიანის პირად ცხოვრებაში, სხეულის ავტონომიაში და ერთგვარად დისკრიმინაციულია იმ თვალსაზრისით, რომ იმ ტრანსგენდერი ადამიანების გენდერის სამართლებრივ აღიარებას არ ითვალისწინებს, რომლებსაც ოპერაცია არ ჩაუტარებიათ", — აცხადებს ქეთი ბახტაძე.
On.ge დაუკავშირდა ტრანსგენდერ ქალს, რომელიც, როგორც ჩვენთვის ცნობილია, პირველია საქართველოში, ვისაც დოკუმენტებში უწერი შესაბამისი გენდერი. ის ამბობს, რომ სამინისტროს გადაწყვეტილება მის ცხოვრებაში ბევრ რამეს შეცვლის.
"სახელი მქონდა შეცვლილი და სახელის შეცვლა პრობლემას არ წარმოადგენს, მაგრამ როდესაც გაქვს პირადობა ქალის სახელით და სქესში გიწერია მამრობითი, შეიძლება ბევრი ამას არ დააკვირდეს, თუმცა როცა გიწევს, იქირავო ბინა და შენში შეაქვთ ეჭვი... იგივე არის დამსაქმებელთან, ბანკში როდესაც წარადგენ პირადობას, უკვე აღარ გიწევს მათი უცნაური გამოხედვების, დაჟინებული მზერის ატანა. ჩემს შემთხვევაში, ოპერაცია იყო აუცილებლობით განპირობებული, საკუთარ თავს ყოველთვის აღვიქვამდი გოგოდ, შესაბამისად ყოველთვის მქონდა მოთხოვნილება, რომ ბოლომდე მიმეყვანა ჩემ მიერ დასახული მიზანი და ბოლომდე მომეყვანა ჩემი ვიზუალი შესაბამისობაში ჩემს გენდერულ იდენტობასთან", — გვეუბნება ტრანსგენდერი ქალი.
WISG-ის იურისტი კი ამბობს, რომ ორგანიზაცია ამჟამად ელოდება გენდერის სამართლებრივი აღიარების შესახებ სტრასბურგის სასამართლოს გადაწყვეტილებას ორი ქართველი ტრანსი კაცის საქმეზე.
განახლება: მოგვიანებით სახელმწიფო სერვისების სააგენტომ გაავრცელა განცხადება, სადაც აღნიშნულია, რომ "ქირურგიული ჩარევით ბიოლოგიური სქესის შეცვლას, ტრანსგენდერის სამართლებრივი აღიარების მოპოვებასთან არანაირი კავშირი არ აქვს".
მათი განმარტებით, სააქტო ჩანაწერში ცვლილების შეტანა 1998 წლიდან რეგულირდება სამოქალაქო აქტების რეგისტრაციის შესახებ საქართველოს კანონით და "უკვე არსებობს პრაქტიკა", როცა ქირურგიული ჩარევით სქესის შეცვლის საფუძველზე, შესაბამის სააქტო ჩანაწერში სქესის აღნიშვნა განხორციელებულა
"კერძოდ, თუ მოქალაქე სახელმწიფო სერვისების განვითარების სააგენტოში წარმოადგენს შესაბამისი სამედიცინო დაწესებულების მიერ გაცემულ დოკუმენტს მისი ბიოლოგიური სქესის შეცვლასთან დაკავშირებით, მაშინ ამ პირს უფლება აქვს, მოქმედი კანონმდებლობის თანახმად მოითხოვოს გვარი/სახელის შეცვლა და შესაბამის სააქტო ჩანაწერებში სქესის აღნიშვნასთან დაკავშირებით ცვლილების შეტანა", — წერია უწყების განცხადებაში.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები