ფინანსური ინდუსტრია მუდმივად იცვლება, ყოველდღიურად ნერგავს ტექნოლოგიური პროგრესის მიღწევებს, ავითარებს ახალ სერვისებსა და პროდუქტებს. ერთ-ერთი გამორჩეული ტექნოლოგიური მიღწევა აპლიკაციების პროგრამული ინტერფეისია (API), რომლითაც ინფორმაციის მიმოცვლა, ინოვაციური პროდუქტების განვითარება, აპლიკაციების ერთმანეთთან დაკავშირება და პროდუქტების მომხმარებლის სურვილების მიხედვით ადაპტაციაა შესაძლებელი.

როგორ მუშაობს API?

ფოტო: Codersera

აპლიკაციების პროგრამული ინტერფეისი ფინანსური და არაფინანსური ორგანიზაციების გამართულ ფუნქციონირებაში დიდ როლს თამაშობს. მისი პრინციპის გასაგებად ერთი სიტუაცია გამოდგება: წარმოიდგინეთ, ხართ რესტორანში, გაქვთ მენიუ და იქვეა სამზარეულო, სადაც კერძები მზადდება. შეკვეთის სამზარეულომდე მისატანად მიმტანი გჭირდებათ, რადგან თავად შეფი სამზარეულოშია. ტექნოლოგიებში API სერვისები ის "მიმტანები" არიან, რომლებსაც თქვენი მოთხოვნა შესაბამის მონაცემთა სერვერებთან მიაქვთ და პასუხსაც აბრუნებენ. მაგალითად, API სერვისები უზრუნველყოფენ იმას, რომ მობილბანკში შესვლისას პაროლით, სახელით, თითის ანაბეჭდითა თუ სახის ამომცნობით ზუსტად ჩვენს ანგარიშზე შევდივართ და არა — სხვისაზე.

რას სთავაზობს საქართველოს ბანკი ბიზნესებს?

ბიზნეს ოპერაციების გამარტივებისა და B2B პროგრამაში საბანკო სერვისების გამოყენების მიზნით, საქართველოს ბანკი მომხმარებლებს API სერვისებს სთავაზობს. ის პროცესების ავტომატიზაციის ხარჯზე, მომხმარებლებს რუტინულ სამუშაოზე დახარჯულ დროს უზოგავს და სერვისებს ერთ სივრცეში ათავსებს.

API-ის მეშვეობით, ბიზნეს ინტერნეტბანკის ფუნქციონალების გამოყენება თავად ბიზნესის სამუშაო პლატფორმაში შეიძლება, რაც იმას ნიშნავს, რომ ბიზნესინტერნეტბანკში შესვლის გარეშე საფინანსო, საბუღალტრო თუ საწარმოს მართვის პროგრამებში საბანკო ოპერაციების შესრულებას შეძლებთ.

მას შემდეგ, რაც API სერვისები გააქტიურდება, მომხმარებლები ინდივიდუალური თუ პაკეტური გადარიცხვის დოკუმენტებს შექმნიან ან გააუქმებენ (როგორც ეროვნულ, ასევე უცხოურ ვალუტაში). ასევე, შესაძლებელი იქნება უკვე შექმნილი დოკუმენტების სტატუსებისა და მიმდინარე დღის აქტივობების შემოწმება, ამონაწერის გენერაცია (ამონაწერზე ზოგადი ინფორმაცია, პირველი 1000 ჩანაწერი, გლობალური და ყოველდღიური ნაშთები, ჩანაწერები მითითებულ გვერდზე) და მიმდინარე ნაშთების საკუთარ სამუშაო პლატფორმაში დანახვა.

API სერვისების მეშვეობით, ასევე, საბალანსო უწყისი და ვალუტის კურსები (ეროვნული ბანკის კურსი, კურსების ისტორია, ბანკის კომერციული კურსი) მომხმარებლის პირად სამუშაო პლატფორმაში განთავსდება.

ფოტო: საქართველოს ბანკი

საქართველოს ბანკში აცხადებენ, რომ ბიზნესის ყოველდღიური საქმიანობის ხელშეწყობას აქტიურ რეჟიმში განაგრძობენ და API სერვისის დანერგვაც ამ პროცესის ნაწილია.

"მომხმარებელს ვთავაზობთ API სერვისებს. მისი დახმარებით საბანკო ოპერაციების შესრულება ინტერნეტბანკში შესვლის გარეშე, მომხმარებლისთვის ხელსაყრელ პროგრამაშია შესაძლებელი. API-ის ინტეგრაციით კომპანიებს აღარ მოუწევთ ორმაგი შრომა რუტინული ოპერაციების შესასრულებლად. გაუმჯობესებული UX-ი კი საგრძნობლად შეამცირებს გარკვეული ოპერაციების განხორციელებისთვის საჭირო დროს, რაც დღესდღეობით დიდი კომფორტი და საჭიროებაა ნებისმიერი ადამიანისათვის. საქართველოს ბანკი აქტიურად განაგრძობს მომხმარებლის ინტერესებზე ორიენტირებული, განახლებული სერვისების უზრუნველყოფას და ამ კუთხით ბიზნესს კიდევ არაერთ სიახლეს შესთავაზებს", — განაცხადა გიორგი კინწურაშვილმა, საქართველოს ბანკის ციფრული საბანკო ეკოსისტემის მიმართულების ხელმძღვანელმა.

ინფორმაციისთვის, საბანკო სერვისების გააქტიურება უფასოა და შესაძლებელია bonline.ge-დან, პროგრამებში: ბალანსი, SAP Business One, 1C, ორისი, ფინა, ინფო ბუღალტერი, ინფო საწარმო, FMG მარკეტი, FMG დისტრიბუცია, აპექს ბუღალტერია, Dariex-ის ERP პროგრამა და SuperFin.

როგორ გაიაქტიუროთ API სერვისები?

პირველ რიგში, კომპანიის დირექტორი უნდა იყოთ, შეხვიდეთ ბიზნესინტერნეტბანკში, შემდეგ "სერვისების" ბლოკში, "API ინტეგრაციაში" და მიჰყვეთ შესაბამის პროცესს.

დამატებითი ინსტრუქცია იხილეთ ამ გვერდზე; ხშირად დასმული კითხვების სანახავად კი გადადით ბმულზე.

API სერვისებს განვითარების დიდი პოტენციალი აქვთ და მისი დახმარებით მძლავრი პროგრამული ეკოსისტემის შექმნის საშუალება გვეძლევა. ინფორმაციის სწრაფად დამუშავების, ახალი და ინოვაციური პროდუქტების შექმნის, ძველი სერვისების გაციფრულებისა და სხვა უსაზღვრო შესაძლებლობების მქონე სერვისის გამოყენება, საქართველოს ბანკის დახმარებით, უკვე ყველა ბიზნესს შეუძლია.