ევროპული საქართველოს პოლიტსაბჭოს წევრი, ირმა ნადირაშვილი ამბობს, რომ პარტიაში დაგეგმილი სტრუქტურული ცვლილებების შესახებ მათი ლიდერი, დავით ბაქრაძე ისაუბრებს.

"მთავარი გადაწყვეტილებების თაობაზე, დათო ბაქრაძე გაგაცნობთ. სხვა კითხვები თუ გაქვთ, ამ წუთში პასუხის გაცემა არ შემიძლია. რა თქმა უნდა, ვერ გეტყვით, რომ არაფერი არ შეიცვლება. ამ გადაწყვეტილებების შესახებ დათო ბაქრაძე და კიდევ, ვინც ჩათვლის საჭიროდ, გააკეთებს განცხადებას. მე მათ ნაცვლად ვერ ვილაპარაკებ", — განაცხადა ირმა ნადირაშვილმა.

ამ წუთებში ევროპული საქართველოს ოფისში პარტიის წევრები იკრიბებიან. ირმა ნადირაშვილის ინფორმაციით დღეს პოლიტსაბჭოს შეკრება არ იგეგმება და უბრალოდ არაფორმალური კონსულტაციებისთვის იკრიბებიან.

ევროპულ საქართველოში დაგეგმილი სტრუქტურული ცვლილებების შესახებ ინფორმაცია On.ge-მ 9 თებერვალს მოიპოვა. გავრცელებული ინფორმაცია, რომ პარტია შესაძლოა დავით ბაქრაძემ დატოვოს, არც თავად მას დ არც პარტიის სხვა ლიდერებს არ დაუდასტურებიათ. თუმცა, ისინი ადასტურებენ, რომ 2020 წლის საპარლამენტო არჩევნების შემდეგ პარტიაში ცვლილებებზე დაიწყო საუბარი.

გაიგეთ მეტი: